Assit: Finn Lyngep timaa Qassiarsuliaanneqarpoq

Politiit angallataat Sisak III Qaqortumit ullaaq tallimanngornermi nalunaaqutaq 08.00 aallarmat tussiutinik tussiartoqarpoq. Sisak Qassiarsuliarnermini Narsaq aqqusaassavaa.

Sisammi politikkeri, inuiaqatigiinnik oqallissaarisartoq atuakkiortorlu Finn Lyngep timaa ilaavoq ilerra sungarpaluttuulluni. Finn Lyngep ilaqutai qanigisaalu Sisammi ilaasorineqarput.

Sisak nalunaaqutaq 10.00 Narsamut tikinnissaa naatsorsuutigineqarpoq, 10.15 Qassiarsuliarluni aallaqqissalluni.

Thorhildep Oqaluffiani nalunaaqutaq 13.45 naalagiarneq aallartissaaq. Finn Lynge nalunaaqutaq 14.45 Qassiarsuup iliveqarfiani ilisaassaaq.

Kalaallit Nunaanni oqaluffiit siullersaata inissisimaffiani eqqaassutissamik orninneqartartussamik pilersitsisoqarnissaanik Finn Lynge isumassarsisuuvoq Naalakkersuisullu siulittaasorisimasaat Jonathan Motzfeldt peqatigalugu qasusuillutik tamanna sulissutigisimavaat.

Ullumikkut maani najugaqartut takornariallu illuutit taakku kusanaqisut takusarsinnaavaat – oqaluffiup siulliup assinga Thjodhildep Oqaluffia aammalu Erik Aappalaartup illuata assinga.

Sermitsiaq.AG-ip paasissutissaatai malillugit Naalakkersuisut siulittaasuat Aleqa Hammond ilisinermut peqataassaaq.

Finn Lynge 80-nik ukioqarluni sapaatip akunnera kingulleq tallimanngornermi angerlarsimaffimmini sivisuumik napparsimareerluni toquvoq.

Assit ataani takukkit