ilisarititsineq
Assit: Dash-8 nutaarluinnaq aajuna
Nunatta timmisartortaavata Dash 8-200-p nutaap, arfininngormat Nuummut tikittup, assingi takukkit
Annonse
Arfininngormat nalunaaqutaq 16.30 Air Greenlandip timmisartortaava Dash 8-200 nutaarluinnaq Nuup Mittarfianut tikippoq.
Timmisartup Air Greenlandip timmisartuisa Dash 8 allat assigerpasippai, arlalitsigulli assigiinngissuteqarpoq.
Silataani timmisartup sului aappalaartunik tippereqarput, suluisalu sinai spoiler-inik pilersorneqarsimapput minnermi ikiuutinik. Iluani issiaviit stoffimik qallersimanngillat, amermilli qallersimallutik, timmisartullu ilua LED-nik qulleqarpoq.
Aquttarfiani tallimanik angingaatsiartunik skærmeqarpoq, taakkualu atortunut 34-it missaannut taartaapput. Skærmikkut timmisartortartut malinnaasinnaalluarnerujussuupput, aquttarfillu ukiunut 20-nut qulakkiigaavoq.
Assit allaaserisap ataani takukkit