eqqagassat
Assit: Atuartut eqqagassanik katersuisut
Piareersarfimmi Nuummi atualersut pinngortitamut eqqagassanik katersuipput
Nuummi Piareersarfimmi atualertut sapaatip akunnerani atuarfiusumi siullermi pinngortitaq sammivaat. Asimi igitassanik atuartut katersuipput, igitassarpassuarnillu katersuisimapput.
Meeqqat atuarfianni angusatik pitsanngorsarniarlugit Piareersarfimmi atualertuupput, kiisalu aamma ineriartornissaminnut ikiorneqarlutik. Ilaatigullu tassa eqqagassanik katersuisarneq ilaatigut sammivaat.
Nuummi Fiskerbyenimit Manngua tikillugu kiisalu aamma Aanaap Aataallu illuaraataanni eqqagassanik katersipput.
- Eqqagassarpassuarnik katersaqarpugut, malunnarpoq inuit asuli eqqaaginnartarsimasut. Atuartut suliassartik aallulluarmassuk nuannaarutigaarput, Piareersarfimmi ilinniartitsisoq Uju Petersen oqarpoq.
Quassussuarmi pingasunngornermi eqqagassanik katersinertik ingerlateqqissavaat.
Assit ataani takukkit