nutaaliat
Assit: Atuartitsineq iPadit atorlugit ingerlasinnaanngorpoq
Kommune Kujallermi borgmesteri Jørgen Wæver Johansen atuartut iPadissaannik ataasinngornermi ullaap tungaa agguaavoq
Kommune Kujallermi atuartut iPaditaatik tamassa misileraleruttorpaat. Nanortalimmi, Narsami Qaqortumilu atuartut iPadissatik ataasinngormi tiguaat nunaqarfinnilu atuartut nukarliillu kingusinnerusukkut pissatik pissavaat.
Qaqortumi Tasersuup Atuarfiani atuartut anitsiartarfimmi nalunaaqutaq qulinut katersuutsinneqarput tassani Kommuneq Kujallermi borgmesteri Jørgen Wæver Johansen Siumumeersoq oqaaseqarmat iPadit meeqqanut pissamaaqisunut agguaatinnginneranni.
iPadit pillugit suliniut Villum Fondenimit 17 millioner koruuninik tapiiffigineqarsimavoq taamaasilluni Qeqqata Kommuniani aamma Kommune Kujallermi atuartut tamarmik iPaditaarsinnaanerat qulakkeerneqarluni.
Kommune Kujallermik iPadit katillugit 1.000-it agguaanneqartussaapput siullillu 800-ut ataasinngornermi agguaanneqarput. Kingulliit 200-ut aggustimi agguaanneqassapput tassani atualerlaat aamma nunaqarfimmiut agguaassiffigineqassammata.
iPadsinik ataasinngornermi Qaqortumi agguaassinermit Poul Hardip assilisai ataani takusinnaavatit