kulturit naapittut
Assit asseqanngitsut: Kalaallit aamma afrikamiut qilaatersoqatigiittut
Sapaatiummat kalaallit qilaatersortartut afrikamiut qitittartut Katuami naapippaat
Nuummi nipilersornermik ilinniarfiup kulturikkut naapeqatigiinneq immikkuullarissoq Katuami aaqqissuuppaat. Tassani afrikami qitittartut Ghanap avannaaninngaanneersut kalaallit qilaatersortartut naapippaat.
Youth Home Cultural Groupimi qitittartut arfineq-pingasut, assini uani ataaniittumi Sermitsiaq.AG-p assiliisuanit kulturip illorsuani takutitsisoqarnerani assilisat takusinnaavatit.
Nammineq atisat, oqaluttuat aamma qitinnerit
Afrikamiut taakku takutitsisarnerminnut nersornaaserneqarnikuupput, Ghanami qitinnermut ileqqutik qalipaatigissaartunik originalinillu atisaqarlutik aamma nipilersuuteqarlutik takutitsisarput.
Takutitsiutigalutik isiginnaartut qitinnerup assersuutaat aamma oqaluttuassartaat oqaluttuaraat.