Qaanaaq
Assit: Arnat Qaanaami qimussimik sukkaniuttut
Arnat Qaanaami qimussimik sukkaniunnernani affaat sinnerlugit uniinnarput
Qaanaami arnat porskip ulluata aappaani qimussimik sukkaniummata apuuttut tamarmik aningaasanik tunineqarput. Peqataasut 14-upput arfiniliinnaalli apuuffissamut apuupput.
Takuuk: Assit. Qaanaami atuartut qimussimik sukkaniuttut
Arnat Qaanaami qimussimik sukkaniuffiat 10 kilometerit missaliorlugit isorartussuseqarpoq. Qimmuttulli arlalissuit illoqarfimmi uninngavinnaaminnut ingerlaannarput apuuffissamut apuunnatik.
- Ilimanarpoq qimmit sukkaniunnermi inuttarinngisaminnit aqunneqaramik taamaasiorsimasut, Qaanaami qimussertartut peqatigiiffiannit Qimuggermi siulittaasoq Jørgen Qujaukitsoq Sermitsiaq.AG-mut oqarpoq.
Aningaasanik pinnattut
Arnat Qaanaami qimussimik sukkaniuttarnerat peqataasoqarluartarpoq. Taamaattoq ukiormanna peqataasut amerlanerusimasinnaagaluarput.
- Piffissami matumani takornariat qimusseriartut arlallit illoqarfitsinniimmata qimmiutillit arlallit taakku ulapputigaat, Jørgen Qujaukitsoq oqarpoq.
Ajugaasoq 2.000 koruuninnappoq pokalimik ujammimillu pissarsilluni. Tullilusoq 1.500 koruuninnappoq pokal ujamillu pingajuallu 1.000 koruuninnappoq pokali ujamillu. Sisamaat 800 koruuninnappoq pokali ujamillu kiisalu tallimaat 500 koruuninnapppoq pokali ujamillu. Normu 6-usoq apuuttuni kingullersaasoq 200 koruunimik aamma akissarsitinneqarpoq.
Aajuku angusat:
1. Bebiane Petersen
2. Tukummeq Qaerngaaq
3. Eva Kvist
4. Birthe Simigaq
5. Korna Isaksen Nielsen
6. Tabitha Simigaq
Dan Normannip assilisai ataani takukkit