urandebat

Assit: Angertorpassuit ingerlaaqatigiittut

Uranimut akuersaanngilluinnarnerup allanngortinneqarnissaanut isumaqataasut nanerualerlutik ingerlaaqatigiinneranni inuit 400-500-t peqataapput

Ingerlaaqatigiinneq Nuup qeqqani ingerlanneqarpoq Leiff JosefsenIngerlaaqatigiinnermi inuit 400-500-t peqataapput Leiff JosefsenNaalakkersuisunut ilaasortat ingerlaaqatigiinnermi peqataapput. Aningaasaqarnermut nunamullu namminermut naalakkersuisoq Vittus Qujaukitsoq aamma talerpiata tungaani Inuussutissarsiornermut Aatsitassarsiornermullu naalakkersuisoq Jens-Erik Kirkegaard peqataapput, tamarmik Siumut Leiff JosefsenIngerlaaqatigiinneq nalunaaqutaq 20.00 aallartinneqarpoq Leiff JosefsenUranimut akuersaanngilluinnarnerup allanngortinneqarnissaanut isumaqataasut Leiff JosefsenUranimut akuersaanngilluinnarnerup allanngortinneqarnissaanut isumaqataasut amerlapput Leiff JosefsenIngerlaaqatigiittut Inatsisartut ataatsimiittarfiannut apuuttut Leiff JosefsenUranimut akuersaanngilluinnarnerup allanngortinneqarnissaanut isumaqataasut. Leiff JosefsenIngerlaaqatigiinnermi naneruat atorneqartut ataatsimoortinneqartut Leiff Josefsen

Pisoqatigiinnermi qungujulasoqarlunilu isumalluartoqarpoq. Ingerlaaqatigiinneq pingasunngornerup unnukkuani Nuummi ingerlanneqarpoq.

Siumut Nuuk ingerlaaqatigiinneq aaqqissuuppaa, tassani nanerualerluni ingerlaaqatigiinneq ingerlanneqarpoq. Inatsisartut uranimut akuersaanngilluinnarnerup allanngortinneqarnissaanut isumaqataanermut ingerlaaqatigiinnerup takutinniarpaa. Ullumi sisamanngornermi Inatsisartut taanna qinersissutigisussaavaat.

Ingerlaaqatigiinneq Nuup Katersortarfiata silataani aallartippoq, inunnit 400-500-nit peqataaffigineqartumik. Ingerlaaqatigiinneq Inatsisartut ataatsimiittarfiata silataanut ingerlanneqarpoq.

- Ingerlaaqatigiinnitta takutinniarpaa Naalakkersuisunut isumaqataanitsinnut, tassami pingaarutilimmik taasisussaammata, Martha Abelsen Siumut Nuummi ilaasortaq Sermitsiaq.AG-mut oqarpoq.

Ingerlaaqatigiinneq eqqissisimasumik ingerlanneqarpoq, ingerlaaqatigiittulli akornanni oqaloqatigiittoqarpoq. Ingerlaaqatigiinneq Nuup qeqqani ingerlanneqarpoq.

Aallartissinnaanngorpoq
- Paasisinnaavakka inuit Kalaallit Nunaanni ineriartorusummata. Tassami aningaasaqarnikkut toqqammaveqartariaqaratta namminiilivilerutta.

- Naalakkersuisut aalajangernerat imaanngilaq ingerlaannaq aallartissasut. Aalajangernerat aallartisaataasussaavoq, Martha Abelsen Kommuneqarfik Sermersuumi kommunal bestyrelsimiittoq oqarpoq.

Powered by Labrador CMS