pilluaritsi
Assit: Aasianni GUX-imi allagartartaartut
Aasianni Ilinniarnertuunngorniarfimmi ilinniartut tallimanngornermi ullup-qeqqata siornatigut allagartartaartinneqarput, ilinniartullu akissarsiassaannik agguaassisoqarluni
3.g-mi ilinniartut 77-it, faginik ataasiakkaanik ilinniagaqartoq ataaseq ukiumilu ataatsimi ilinniarnertuunngorniat 23-t Avannaani Ilinniarnertuunngorniarfimmi tallimanngornermi ullup-qeqqata siornatigut allagartartaartinneqarput.
Nunafondenimi siulersuisunut ilaasortaq Ane Hansen tamanna iluatsillugu ilinniartunut ukiuni pingasuni ilinniartuunerminni maligassiuilluarsimasunut akissarsiassanik 12-nik agguaassivoq.
Nunafondenimit akissarsiassat agguaanneqartut ilinniarnertuunngorlaanut ukununnga tunniunneqarput:
Marie Evaldsen Christensen, 3.S, agguaqatigiissillugu 10,8-mik qaffasinnerpaamik angusaqarnini pillugu 10.000 koruuninik suliassiissutinillu piffissaq eqqorlugu maligassiuilluartumik tunniussisarnini pillugu 5.000 koruuninik akissarsisinneqarpoq.
Pipaluk Karen Kristensen, 3.T, agguaqatigiissillugu 10,1-imik qaffasinnerpaap tullianik angusaqarnini pillugu 5.000 koruuninik akissarsisinneqarpoq.
Kuunu Grønvold Berthelsen, 3.S, agguaqatigiissillugu 8,5-imik qaffasinnerpaat pingajuannik angusaqarnini pillugu 3.000 koruuninik maligassiuisumillu takkuttarnini suliassiissutinillu tunniussisarnini pillugit 10.000 koruuninik akissarsisinneqarpoq.
Lane Johansen, 3.S, maligassiuisumik takkuttarnini suliassiissutinillu tunniussisarnini pillugit 8.000 koruuninik akissarsisinneqarpoq.
Paninnguaq Hendriksen, 3.O, maligassiuisumik takkuttarnini suliassiissutinillu tunniussisarnini pillugit 8.000 koruuninik akissarsisinneqarpoq.
Nivi Schmidt Sandgreen, 3.O, maligassiuisumik takkuttarnini suliassiissutinillu tunniussisarnini pillugit 8.000 koruuninik akissarsisinneqarpoq.
Pingajuat Olsen Kristensen, 3.O, maligassiuisumik takkuttarnini pillugu 5.000 koruuninik akissarsisinneqarpoq.
Ajaaja Sandgreen, 3.R, maligassiuisumik takkuttarnini pillugu 5.000 koruuninik akissarsisinneqarpoq.
Marie Suersaq, 3.Q, suliassiissutinik piffissaq eqqorlugu maligassiuisumik tunniussisarnini pillugu 3.000 koruuninik akissarsisinneqarpoq.
Pipaluk Karen Kristensen, 3.T, suliassiissutinik piffissaq eqqorlugu maligassiuisumik tunniussisarnini pillugu 3.000 koruuninik akissarsisinneqarpoq.
Malene Marie Olsvig ukiumi ataatsimi ilinniarnertuunngorniartut akornanni agguaqatigiissillugu qaffasinnerpaamik angusaqarnini pillugu akissarsisinneqarpoq, 5.000 koruuninik aningaasartalimmik KJ Greenland A/S-imillu tunissutigineqartumik.
Atuaruk: Asserpassuit: Nuummi GUX-imit ilinniarnertuunngortut