taekwondo

Assit: Aajuku kalaallit EM-mi kultinnattaavi

Taekwondomi Europami pissartanngorniunnerit naammassipput

Angutinnguaq Tittussen (saamerleq) aamma Lauritz Heilmann ujammit kultiusut atorlugit
Angutinnguaq Tittussen ujaminnatsitsinermi
Lauritz Heilmann ujamminnatsitsinermi. SIorna tulimi pissartaareerluni ukiormanna aamma qularnaalluartumik ajugaavoq
Angutinnguaq Tittussen frikampimi unammisoq. Angutinnguaq Tittussen aamma Lauritz Heilmann frikampimi kvartfinalemut anngukkaluarput
Lauritz Heilmann ujamminnatsitsinermi. SIorna tulimi pissartaareerluni ukiormanna aamma qularnaalluartumik ajugaavoq GTFAngutinnguaq Tittussen frikampimi unammisoq. Angutinnguaq Tittussen aamma Lauritz Heilmann frikampimi kvartfinalemut anngukkaluarput GTFAngutinnguaq Tittussen (saamerleq) aamma Lauritz Heilmann ujammit kultiusut atorlugit GTFAngutinnguaq Tittussen ujaminnatsitsinermi GTFLauritz Heilmann ujamminnatsitsinermi. SIorna tulimi pissartaareerluni ukiormanna aamma qularnaalluartumik ajugaavoq GTFAngutinnguaq Tittussen frikampimi unammisoq. Angutinnguaq Tittussen aamma Lauritz Heilmann frikampimi kvartfinalemut anngukkaluarput GTFAngutinnguaq Tittussen (saamerleq) aamma Lauritz Heilmann ujammit kultiusut atorlugit GTFAngutinnguaq Tittussen ujaminnatsitsinermi GTF

Nunarput sinnerlugu taekwondomi Europami pissartanngorniuteqataasut angerlamut ingerlaarput kultinnattaatik marluk nassarlugit. Unammersuarnerit naggaserlugit arfininngornermi frikampimi unammisoqarpoq tassanilu kalaallit kvartfinalemi ajorsarput.

Angutinnguaq Tittussen aamma Lauritz Heilmann unammeriaatsimi tulimi kultinnareerlutik frikampimi unammeqattaalerput.

Angutinnguaq Tittussen 78 kilo ataallugu oqimaassusilinni unammeqataavoq tassanilu kvartfinale angugaluarpaa. Uros Ruprecht Sloveniameersoq ajorsarfigaa taanna sukkanerullunilu misilittagaqarnerummat. Sloveniamioq taanna kingusinnerusukkut oqimaaqatimini sølvinnappoq.

Misilittagaqarnerunissaq
Lauritz Heilmann 64 kilo ataallugu oqimaassusilinni unammeqataavoq aammalu kvartfinale angugaluarlugu tassanili naligeeqalutik unammereeerlutik Daniel McLean Skotlandimeersoq ajorsarfigaa.

- Frikampini misilittagaqarnerunissarput pisariaqarpoq. Tamannali anguneqassappat ulluinnarni Nunatsinni sungiusarnerni pikkorissunik unammisassaqartariaqarpoq, nuna tamakkerlugu sungiusaasoq Lauritz Heilmann oqarpoq.

Minskimi Hvideruslandimiittumi EM-qarnerani Nunatsinniit peqataasut marluinnaapput. Suli amerlanerit peqataasussaagaluarput aningaasaliisussanilli amigaateqarneq pissutigalugu peqataasut marluinnaapput. Elite Sport Greenlandimiit tapersersorneqartut Lauritz Heilmann aamma Angutinnguaq Tittussen peqataasussatut toqqarneqarput

- EM-qarnerani unamminerit allat isiginnaarpavut. Takusinnaasagut malillugit iligiikkaarluni unamminerit ilaanni ujaminnannissamut periarfissaqarsimagaluarpugut, Lauritz Heilmann oqarpoq taamaattorli angusatik naammagisimaarlugit.

Assit ataani takusinnaavatit

Powered by Labrador CMS