assiliisartoq
Assiliisartoq nutaanik misigisassarsiulersoq
Assiliisartoq 'Kalaallit Nunaata kiinaa'-nik suliaqarsimasoq Chris Christophersen Maniitsuliassaaq nutaanillu assilisassarsiussalluni
Assiliisartoq 27-nik ukioqartoq Chris Christophersen 'Kalaallit Nunaata kiinaa'-nik suliaqarsimasoq, qaammatip tulliani nunatsinnukaqqissaaq. Tamatumuuna Maniitsumukassaaq, tassani nutaanik assilisassarsiussalluni.
Assiliinermi suliaqarnermini illoqarfinni assigiinngitsuneereersimavoq, soorlu Kangerlussuaq, Sisimiut, Ilulissat aamma Nuuk tikissimallugit. 2.800-ut missaannik innuttaassusilik Maniitsoq qaammatip tulliani suliaqarfigissavaa.
- Maniitsuliarnissanut qilanaaqaanga, ilaquttakkami illoqarfimmit tassanngaanneerput, Chris Christophersen oqarpoq, ‘Ole Petersenip Aqqutaa’-lu pisuffiginissaa qilanaaraa, aqqusinermi aataqqiutaanut atsiunneqarsimavoq.
'Kalaallit Nunaata kiinaa'-nik suliaqarneq ingerlaleruttorpoq, assiliisartorlu kingullermeerluni nunatsinnukarnaviarnani.
Ukiuni tulliuttuni Danmarkimi oqalugiarlunilu assilisaminik saqqummersitsisassaaq. Siunissamilu 'Kalaallit Nunaata kiinaa'-ta atuaganngortinneqarnissaa takorloorlugu.
Assilisaminik siullermeerluni 2011-mi saqqummersitsivoq, illoqarfiit soorlu København, Aarhus, Odense, Fredericia aamma Hørsholm saqqummersitsiffigereerlugit.
Assilisai aamma uani takuneqarsinnaapputhttp://www.groenlandsansigt.dk/