Colourful Nuuk
Assiliinermik unammisitsinermi inuit 1.500-t peqataapput
Nuup nunanut allanut nittarsaanneqarnissaanut atatillugu assiliinermik unammisitsinermi suliniummi 33.000-nit takuneqarpoq
Suliassaq ajornanngitsuarakasiuvoq: Nuummi assilisaq @Ilovegreenland-ip Facebookimi qupperneranut nassiussisoqartarpoq, Twitterimut Instagramimulluunniit. Annikitsumillu aamma oqaasertaliisoqartarluni.
Suliniutip ingerlanerani nuummiut 1.500-t peqataapput, unammisitsinerlu juunimi ingerlanneqartuulluni.
#ColourfulNuuk inunnit 33.000-nit takuneqarpoq, tassani Facebookikkut assigisaannilu takuneqarluni.
Iluarisimaarneqarpoq
Visit Greenlandip Kommuneqarfik Sermersuumilu inuutissarsiorfiup aaqqissuussaraat. Nuup avammut nittarsaalluarneqarsimanera maluginiarpaat. Tassami siunissami takornariat amerlanerusut Nuummukartalernissaat suliniutip anguniagaraa.
Aamma innuttaasut qanoq tunniutigisinnaanissaat tassani misiliutitut suliarineqarpoq.
Assilineqartut uani takuneqarsinnaapput
Allaaserisap ataani assilineqarsimasut ilaat takukkit