Assigiinngissut Nuummi annertunerusoq

Pissaqarnerit pissakinnerillu assigiinngissutaat Nuummi annertuneruvoq - pisuunerimmi inoqutigiiaat 1,6 mio koruuninik isertitaqarnerusarput.

Aningaasaqarnikkut Ingerlatsineq pillugu Nalunaarut ullumi Inatsisartuni saqqummiunneqartussami kisitsisit takuneqarsinnaapput.

Pissakinnerit ukiuni 37-ni sulissasut

Kisitsisit takutippaat, pissakinnerit Nuummi najungaqartut 10 procentii, inoqutigiit 45.500 koruuninik isertitaqartut, pissaqarnerilli 10 procentii 1,65 mio koruuninik isertitaqartut.

Allatut oqaatigalugu pissakinnerit ukiuni 37-ni sulisariaqarput pissaqarnerit isertittagaat angussangunikkit.

Qaleralik Uummannami naligiisitsisoq

Uummannami pissaqarnernit pissakinnerillu assigiinngussutaat minnerungaatsiarpoq. Uummannamimi pissakinnerit Nuummi pissakinnernit 40 procentimik isertitaqarnerupput aammalu pissaqarnerit 'taamaallaat' 970.000 kooruuninik isertitaqarlutik.

- Innuttaasut amerlasuut qaleralinniarnermit isertitaqarluarnerat nassuiaatissaavoq, aningaasaqarnikkut ingerlatsineq pillugu nalunaarusiami allaqqasoqarpoq.

Uummannamilu pissakinnerit qaleralinniaqataanermikkut isertitaminnut iluaqusiisinnaapput. Taamaattoq pissakinnerusut Nuummi pissakinnernit taamaallaat isertitaqarnerupput. Uummannami inoqutigiiaat 70 procentii Nuumminngaanneersunik isertitakinnerupput.

Nuummi tikisitat isertitaqarnerpaasut

Nunarput tamaat isigalugu 2009-miik 2013-mut assigiinngissut qaffariangaatsiarsimavoq. Titartagartaliussaq talerpiani takujuk.

Kalaallit Nunaanni Naatsorsueqqissaartarfiup kikkut pissaqarnerunersut pissakinnerunersulli misissorsimavaat.

2016-mi Statistiki Ukiumoortumik Atuakkiami pissaqarnerit ima nassuiaaserneqarput:

Angutit utoqqaanerit 40-nit 44-rut tikillugit ukiullit

Nunatta Avataaneersut

Kommuneqarfik Sermersuup ilooqarfiini najugallit

Pissakinnerit:

Arnat 15-nit 19-nit tikillugit ukilliut

Nunaqavissut

Qaasuitsup Kommuniani nunaqarfianeersut

Kommuneqarfinni naligiiffiunngiunnginnerpaami borgmesteri, Asii Chemnitz Narupip (IA), Sermitsiaq-aviisimi aningaasaqarnikkut ingerlatsineq pillugu nalunaarusiaq, takisuumik oqaaseqarfigaa. Aviisi unnugu pisiarineqarsinnaalissaaq.