Assigiimmik akeqalersitsineq ataasinngorpat atuutilissaaq

1. januaari 2018 aallarnerfigalugu akit assigiit atuutilissapput, tassa innaallagissamut aamma imermut atuisartunut tamanut aalisakkanik suliffissuit kisiisa pinnagit.

Inaallagissap akia tassaalissaaq kWh-mut ataatsimut 1,60 koruunit kiisalu imermut kubikmeterimut ataatsimut 19 koruunit.

Aalisakkanik suliffissuarnut akigitinneqartunut suli tunngavigineqassapput najukkani ataasiakkaani aningaasartuutaasut.

Ungasianit kissaaneq
Ungasianit kissaanermut akit allanngortinneqassanngillat MWh-mut ataatsimut 770 koruunit, ungasianit kiassaanermut qaminneqarsinnaasumut atuutiinnassaaq MWh-mut ataatsimut 710 koruunit.

Innaallagissamik kiassaanermut aalajangersimasumut taamatuttaaq akigitinneqartoq MWh-mut ataatsimut 770 koruuniussaaq, innaallagissamik kiassaanermut qaminneqarsinnaasumut MWh-mut ataatsimut sulli 710 koruuniussalluni.