qinersineq
Asserpassuit: Nuummi qinersisartunik ataatsimiititsineq pikkunaakujuttoq
Sivisuumik qineqqusaarsimanermit qasusimaneq takuneqarsinnaallunilu tusaaneqarsinnaavoq, arfininngormat illoqarfiit pingaarnersaanni gymnasiami qinersisartunik ataatsimiititsisoqarmat
Tallimanngornermi novembarip 28-anni Inatsisartunut qinersinissami oqallinnerit naggataat ingerlanneqarput.
Imaluunniit eqqornerusumik: Taamaattussaagaluarpoq.
Tassami ajoraluartumik iluamik oqallittoqanngilaq, akerlianilli isummat ilisimaneqarluartut, qineqqusaartut saqqummiuttagaat oqaluuserineqarlutillu nassuiaateqarfigineqarput partiit assigiinngitsut Kalaallit Nunaat pitsaanerulersinniarlugu qanoq iliorniarnersut, arfininngormat ualikkut Nuummi ilinniarnertuunngorniarfimmi qinersisartunik ataatsimiititsisoqarmat.
Oktobarip aallaqqaataani qinersinissaq nalunaarutigineqarmalli qinersisartunik ataatsimiititsisarnerpassuit kingorna innuttaasut soqutiginninnerat killeqalersimavoq, tassa inuit takkuttut 75-it missaanniittut affaasa missaanniittut tassaammata politikeriunngitsut imaluunniit sulinerminnut atatillugu najuutinngitsut.
Sapaatiummat ualikkut Nuummi ilinniarnertuunngorniarfimmi qinersisartunik ataatsimiititsineq KNR-TV-kut aallakaatinneqassaaq. Oqallinnerit marluk KNR2-mi toqqaannartumik nutserneqarput.