KL

DK

højdepunkter

Asserpassuit: 2013-imi politikerinik torrallatat

Ukiumit qaangiuttumit, Kalaallit Nunaata nutaanik Naalakkersuisoqalerfianit, Sermitsiaq.AG-p assiliisuata Leiff Josefsenip assilisai takukkit

Naalakkersuisut siulittaasuat Aleqa Hammond Inatsisartullu siulittaasuat Lars-Emil Johansen, marluullutik Siumut, ukiakkut ataatsimiinnerup, ukiup politikkersorfiup nutaap aallartinneranut, ammarneqarneranut atatillugu pisarnertut ingerlaaqatigiinnermi siulersortaapput. Leiff JosefsenPolitikerit Annaassisitta Oqaluffianut ingerlaaqatigiinnissaat sioqqullugu Hans Egedep Illuani Inatsisartunut Naalakkersuisunullu ilaasortat atorfillillu kaffisoqatigiipput. Leiff JosefsenInatsisartunut ilaasortat tamarmiusut Leiff JosefsenUranimut akerliusut naammaginninnginnertik takutippaat Leiff JosefsenTamanna pivoq uranimut aatsitassarsiornermilu stoffinut allanut radiop qinngorneranik ulorianartunik akulinnut akuersaanngilluinnarnerup atorunnaarsinneqarnissaa sioqqullugu. Leiff JosefsenMarsip 12-anni Inartsisartunut qinersinermi Aleqa Hammond 6.818-inik taaneqarpoq (taasisut tamarmiusut 22,6 procentiannik). Leiff JosefsenAnnaassisitta Oqaluffianut isingajalerput Leiff JosefsenBiskop Sofie Petersen nunatta politikkikkut siuttuinut oqaluussivoq. Leiff JosefsenUranimut aatsitassarsiornermilu stoffinut radiop qinngornerinik akulinnut allanut akuersaanngilluinnarnerup atorunnaarsinneqarnissaanik Naalakkersuisut pilersaarutaannut innuttaasut akerliussutsimik takutitsipput. Leiff JosefsenSiumumeersumut Kim Kielsenimut ukioq 2013 politikkikkut pitsaasuuvoq. Ilaatigut pinngortamut avatangiisinullu naalakkersuisunngortinneqarpoq. Aanna Inatsisartuni uranip oqallisigineqarnerani Siumut aamma Partii Inuit sinnerlugit oqaaseqartutut sassartoq. Leiff JosefsenAkerlianik Demokraatineersup Jens B. Frederiksenip marsimi qinersigatta ineqarnermut, attaveqarnermut angallannermullu Naalakkersuisuunini annaavaa. Ullumikkut Inatsisartunut ilaasortaaginnarpoq - sulilu Demokraatini siulittaasuulluni. Leiff JosefsenUkiakkut ataatsimiinnermi urani oqallisigineqaraangat soqutigineqartartorujussuuvoq. Leiff JosefsenInuit Ataqatigiit siulittaasuat Kuupik Kleist Inuit Ataqatigiillu Inatsisartuni ilaasortaatitaasa sinneri assigiissunik tuluujoqarput uranimut akerliunermik takutitsisumik. Leiff JosefsenOktobarip 24-anni Inatsisartut ataatsimiittarfianni taasisoqarnera pissanganartorsiusorujussuuvoq. Stoffinut uranimik akulinnut akuersaannginnerup atorunnaarsinneqarnissaa 15-inik isumaqatigineqarluni 14-inillu akerlerineqarluni akuersissutigineqarpoq. Siumumeersoq Hans Enoksen akerliulluni taasivoq, piffissarli kingullerpaaq atorlugu toortagaq taasissut toorpaa. – Eqqumiissagaluarpormi partii ukiuni arfineq-pingasuni siulittaasuuffigisimasara uppitikkukku. Taamaattumik piffissamut kingullerpaamut utaqqivunga, Hans Enoksen oqaluttuarpoq. Aanna ilaasortanit illua'tungiliuttunit assamminneqarpoq, paasineqarmat uranimut aatsitassarsiornermilu stoffinut allanut radiop qinngorneranik ulorianartunik akulinnut akuersaanngilluinnarnerup atorunnaarsinneqarnissaanik Naalakkersuisut tunngaviusumik aalajangiivigisassatut siunnersuutaannut akerliulluni taasisimasoq. Hans Enoksenip illua'tungiliuttutulli piumasaraa aalajangiinissaq kinguartinneqassasoq innuttaasut annertunerusumik akulerutsinneqarnissaasa tungaanut. Leiff JosefsenPartii Inuit-neersup Miiti Lyngep ineqarnermut, pinngortitamut avatangiisinullu Naalakkersuisuunini oktobarip 23-anni annaavaa Partii Inuit Naalakkersuisunit soraarsinneqarmat, uranimut aatsitassarsiornermilu stoffinut radiop qinngornerinik ulorianartunik akulinnut allanut akuersaanngilluinnarnerup atorunnaarsinneqarnissaa partiip taperserumanngimmagu. aana inuussutissarsiornermut, aatsitassanut sulisartoqarnermullu Naalakkersuisoq Jens-Erik Kirkegaard, Siumut, oqaloqatigigaa. Leiff JosefsenInuit Ataqatigiinneersoq Aqqaluaq B. Egede oqaaseqartoq Leiff JosefsenPeqqissutsimut attaveqarnermullu Naalakkersuisut Steen Lynge, Atassut, aamma Naalakkersuisut siulittaasuat Aleqa Hammond, Siumut. Leiff JosefsenPartii Inuit siulittaasuannut Nikku Olsenimut ukioq 2013 siuariarnermik kinguariarnermillu pisoqarfiusorujussuuvoq. Tupaallannaqisumik Naalakkersuisunut ilaasortanngunngilaq. Ullualunnguit qaangiuttut tamanut saqqummiunneqarpoq aamma Inatsisartunut ilaasortaasinnaanngitsoq. Inatsisartunut ilaasortaanissaminut ataqqinassuseqanngitsutut nalunaarutigineqarpoq politikerinit illua'tungiliuttuneersunit naalakkersuisooqatigiinneersunillu. Ilaasortaajusinnaannginneranut pissutaavoq nakuusersimaneranik pisimasoq, tassa marsip 12-anni qinersinermi ukiuni tallimani pisoqalisimanissaa anguneqarsimanngimmat. Aanna naalakkersuisooqatigiinnissamik isumaqatigiinniarnernut atatillugu Inartsisartunut ilaasortaq Doris Jakobsen, Siumut, aamma Inatsisartunut ilaasortaq Randi Broberg, Partii Inuit, oqaloqatigigai. Januaarip 31-anni Sermitsiaq.AG-p tusagassiorfinni siullersaalluni oqaluttuaraa marsip 12-anni Inatsisartunut qinersisoqassasoq. Ulloq taanna kingusinnerusukkut taamanikkut naalakkersuisooqatigiit tusagassiortunik katersortitsinikkut qinersinissaq uppernarsarpaat. Assimi taamanikkut Naalakkersuit siulittaasuat Kuupik Kleist, Inuit Ataqatigiit, avatangiiseralugit taamanikkut naalakkersuisooqatigiinni partiini siulittaasut allat marluk, Jens B. Frederiksen (saamerleq) Demokraatineersoq aamma Anthon Frederiksen, Kattusseqatigiit Partiianneersoq. Leiff Josefsen´Præsidentimut qinersineq´, unammillutik Siumup siulittaasua Aleqa Hammond aamma Inuit Ataqatigiit siulittaasuat Kuupik Kleist. Leiff JosefsenInatsisartunut qinigassanngortittut oqallipput. Leiff Josefsen2013-imi marsip 12-anni qinersineq: Nuummi kulturip illorsuata Katuap saavani kinguleriiaartut. Leiff JosefsenInuppassuit qinersiartortut. Leiff JosefsenTamakkua ilagaat Inuit Ataqatigiit siulittaasuat Kuupik Kleist aamma Demokraatineersoq Palle Christiansen, taannalu oktobarip aappaanni Inatsisartunut ilaasortaanerminit tunuarpoq Danmarkimut nuussagami. - Siunissami ilaquttakkalu Allerødimi (Sjællandimi, aaqqiss.) najugaqassaast tassani illusigatta ulluinnaat nutaat atulissallutigit. Meeqqat atuarfissartik takuniareerpaat, tamattalu misigisassanut nutaanut periarfissanullu nutaanut qilanaarpugut. Græstedimi kigutileriffimmik nutaamik pisisimavunga, taamaattumik tamakkiisumik kigutilerisutut sulilissaanga. Tamanna qilanaaraara, Palle Christiansen nassuiaavoq. Leiff JosefsenAleqa Hammond qilanaarpoq. Leiff Josefsen2013-imi Inatsisartunut qinersinissamut piareerput! Leiff JosefsenSiumumeersoq Doris Jakobsen ullumikkut Inatsisartunut folketingimullu ilaasortaavoq. Leiff JosefsenQinersinerup unnukkuani KNR-mi partiit siuttui apersorneqarput. Saamerlerniit Atassutip siulittaasua Gerhardt Petersen, Inuit Ataqatigiit siulittaasuat Kuupik Kleist, Demokraatit siulittaasuat Jens B. Frederiksen, Siumup siulittaasua Aleqa Hammond aamma Partii Inuit siulittaasuat Nikku Olsen. Kattusseqatigiit Partiiata partiillu siulittaasuata Anthon Frederiksenip isertitsinissamut killissarititaq angunngitsoorpaat. Leiff JosefsenSiumup siulittaasua Aleqa Hammond, 1965-imi Narsami inunngortoq Uummannamilu peroriartortoq 2013-imi arnani siullersaalluni Naalakkersuisunut siulittaasunngorpoq. Aamma Inatsisartut ukiakkut ataatsimiinnerat ammarnersiorlugu oqalugiartoq. Leiff Josefsen
Nuka Jørgensen

2013-imi marsip 12-iat oqaluttuarisaanikkut eqqaamaneqassaaq ullutut Kalaallit Nunaanni Naalakkersuisut siullermeersumik arnamik siulittaasoqalerfiattut. Tamanna pivoq Siumup, pingaartumillu partiip siulittaasuata Aleqa Hammondip, qinersinermi angusarissaartorujussuummata taasisut 42,8 procentii pissarsiaralugit.
Kingorna nalneqanngitsutut Siumut, Atassut aamma Partii Inuit naalakkersuisooqatigiiliorput, kingullerlu oktobarip 23-anni anisitaavoq, pissutigalugu Partii Inuit uranimut stoffinullu radiop qinngornerinik ulorianartunik akulinnut akuersaanngilluinnarnerup oqallisaaqisumik atorunnaarsinneqarnissaa taperserumanngimmagu.
Atuaruk: "2013-imi mamianartuilat: Ukioq mamianartuliorfiusoq"
2013-imi ukiumut nalorsitsaarutit misilippigit?
Allaaserisap uuma ataani Sermitsiaq.AG-p assiliisuata Leiff Josefsenip 2013-imi assilisai takukkit. Assit tamarmik nuna tamakkerlugu politikkimut attuumassuteqarput

assit inuiagatigiit politikki nunatsinnit
Powered by Labrador CMS