toqqarneqartut

Assammik arsartartut unammiartortussat toqqarneqartut

Pan Amerika-mi pissartanngorniunnissamut anngunniunnissami assammik arsarluni nunanut allanut unammisartut toqqarneqarput

Assammik arsarluni nunanut allanut unammisartut ukioq kingulleq Nuummi katersuunneranni assilisaq
Nunanut allanut unammisartunut sungiusaasoq Niels Møller
Assammik arsarluni nunanut allanut unammisartut ukioq kingulleq Nuummi katersuunneranni assilisaq Knud Fl. LarsenNunanut allanut unammisartunut sungiusaasoq Niels Møller Knud Fl. LarsenAssammik arsarluni nunanut allanut unammisartut ukioq kingulleq Nuummi katersuunneranni assilisaq Knud Fl. LarsenNunanut allanut unammisartunut sungiusaasoq Niels Møller Knud Fl. LarsenAssammik arsarluni nunanut allanut unammisartut ukioq kingulleq Nuummi katersuunneranni assilisaq Knud Fl. LarsenNunanut allanut unammisartunut sungiusaasoq Niels Møller Knud Fl. Larsen

Nuummi Danmarkimilu nunanut allanut unammisartut sungiusaqatigiissinneqareersut, nunanut allanut assammik arsarluni angutit sungiusaasuata Niels Møllerip februaarip naanerani unammeqataasussat toqqarpai. Pan Amerika-mi pissartanngorniunnissamut anngunniunneq Mexico City-mi ingerlanneqassaaq.
Unammeqataasussat 15-it toqqarneqarput:

Michael Lukacs
Lars Kjølby
Miilu Rosing
Andreas Lorentzen
Nuka Heilmann
Miki Heilmann
Danny Brandt
Rasmus Larsen
Nuuno Lars Olsen
Eqalunnguaq Kristiansen
Finn Lynge Frederiksen
Aqqaluk Ingemann
Minik Dahl Høegh
Akutaaneq Kreutzmann
Inuk Olsen

Nunanut allanut unammisartut sungiusaasuata unammisartut qulingiluat taaneqartuni ilaasinnaajunnaartoqassagaluarpat taarsiisussanik toqqaavoq. Sulimi naluneqarpoq GOG-imi assammik arsartartut Minik Dahl Høegh Akutaaneq Kreutzmannilu anngunniukkiarnermi peqataasinnaanersut. Peqataassappatalu qanoq sivisutigisumik peqataasinnaanersut aamma suli naluneqarpoq. Mexico-mi unamminissat aalajangiunneqariarpata nunanut allanut unammisartunut sungiusaasoq Niels Møller qanoq iliortoqassanersoq aalajangerumaarluni Sermitsiaq.AG-mut oqarnikuuvoq.

Nunanut allanut unammisartuni sungiusaasoq Niels Møller saniartigut sungiusaasup ikiortaa Ingi Olsen fysioterapeutilu Berit Duus Mexico-mut peqataassapput.

Mexico-mi unammeqattaarnerit februaarip 25-anni aallartissapput martsip aallaqqaataata tungaanut. Unammisaqattaarnerni USA, Cuba, Den Dominikanske Republik, Puerto Rico anngunniunnermilu aaqqissuisut Mexico peqataassapput. Pikkorinnerit sisamat aasaru Montevideo-mi Uruguayimi nunarsuarmi pissartanngorsiunnissamut anngutissapput. Tassani anngunnikkut nunat allat arfinillit unammineqassallutik. Nunarsuarmi pissartanngorniunnissamut anngunniunnermi ajugaasut pingasut nunarsuarmi pissartanngorniunnissamut Qatarimi januaarimi 2015-imi ingerlanneqartussamut anngutissapput.

Powered by Labrador CMS