Assammik arsartartut sungiusaasuat: U-21-t nunanut allanut unammisartut nukittuut unammissavagut

Kalaallit assammik arsartartuisa danskit nunanut allanut unammisartui U21-t naapikkunikkit, ikinngutitut unamminerit pingasut Nuup Timersortarfiani aamma Inussivimmi ingerlanneqassapput.

Danskit unammisartui U21-t qaammat ataaseq qaangiuppat nunarsuarmi pissartanngorniunnermut peqataassapput.

Assammik arsarluni nunanut allanut unammisartunut sungiusaasuat, Niels Møller, iligiit nukittuut unammilerlugit oqarpoq.

- Piareersarluarsimasunik unammisaqassaagut, assut akiuutsitsissapput, Niels Møller Sermitsiaq.AG-mut oqarpoq.

Pingaarutillit marluk nalorninartut
Nunanut allanut unammisartut marluk, Minik Dahl Høegh aamma Nuka Heilmann unammeqataasinnaanerat nalorninartoq, taanna ilisimatitsivoq.

- Minik Dahl Høegh ajoqusernermi kingorna aatsaat sungiusarluni aallarteqqammerpoq, Nuka Heilmann seeqquminik ajornartorsiorpoq. Taakku marluk pingaaruteqarput, taamaammat unamminerni taakkunani pingasuni qanoq naatsorsuuteqassanerluta nalunalaarpoq. Unnamminerup siulliup kingorna unamminernut tulliuttunut anguniagassatsinnik inissiissaagut, taanna oqarpoq.

Unamminerit pingaarutillit
Ukiup ingerlanerani nunanut allanut unammisartut arlaleriarlutik ataatsimoortarnikuupput.

- Sungiusarnerni sulilluarnikuuvugut. Danskit unammisartuinut unamminerit taamaammat pingaaruteqartorujussuupput, Amerikap nunavittaani pissartanngorniunnernut aallaqqaasiutaagamik, Niels Møller oqaluttuarpoq.

Sungiusaasup siornatigut kalaallit nunanut allanut unammisartut timikkut nukittunerulernissaannik kammattuinikuuvoq.

- Tamakku danskinut timikkut nukittuunut uuttortaatit ilaattut atussavagut. Ukiuni kingullerni timikkut sungiusarneq ukkatarinikuuarput, unammisartut qaammat allortarlugu unammisartut misilittartarlugit. Nukittoriartorneq takusinnaavarput, unammisartullu katersuunneranni misilittaqqittussaavagut, Niels Møller oqarpoq.

VM-imut takorluukkat
U21-nut unamminerit Amerikap nunavittaani pissartanngorniunnernut piareersarnerinut aallarnisaataassasut, taanna oqarpoq, aappaagu Nuummi taanna ingerlanneqassaaq.

- Nukittorsarluni sungiusarneq ingerlaannassaaq, Amerikap nunavittaani pissartanngorniunnerit tungaanut maanna unammisartunut sungiusarnissaannut pilersaarummik suliaqassaagut. Unammisartut katersuunneranni unamminerit sakkortunerussapput, aamma amerlanerussapput, pissartanngorniunnernut pitsaanerpaamik piereersassagatta, Niels Møller oqarpoq.

Nunarsuarmi pissartanngorniunnissamut inissat nunat unammissutigisarpaat.

- VM-imut anngunnissarput anguniagaraarput, taanna suliniutigaarput, Niels Møller oqarpoq.

Unamminissat pingasut ulluni ukunani pissapput:

• Sisamanngorneq: Nuup Timersortarfiani nalunaaqutaq 20.00
• Arfininngorneq: Inussivimmi nalunaaqutaq 16.00
• Sapaat: Inussivimmi nalunaaqutaq 16.00