håndbold
Assammik arsartartut nunanut allanut unammisartut sungiusaasuata tullersortaa sungiusaasunngussaaq
Ingi Olsen assammik arsartartut nunanut allanut unammisartuinut sungiussaasunngussaaq, tamanna pisussanngorpoq Niels Møllerip sapaatip akunnerani uani uninneratigut
Kalaallit nunanaanni Assammik arsartartut siulersuisuisa Ingi Olsen nunanut allanut unammisartut sungiusaasussaatut atorfinitsippaat, taamak tusagassiutinut nalunaarummini allappoq peqatigiiffiup siulittaasua Jørgen Isak Oslen.
Ingi Olsen 2014-mili sungiusaasut tullersortaasimavoq. Ingi Olsenip sungiusaasussatut qinerneranut peqqutit ilagaat Ingip maannakkut nunaut allanut unammisartuusut nalunngilluareermagit.
Siulersuisut sungiasaasumik nutaamik toqqaanissaq piaartumik pinissaa piumasaqaatigisimavaat, unammersuaarnissaq PANAM 2018 aasamut pisussap piffissaalutsitimmat.Sungiasaasussatut toqqarneqartoq 48-nik ukioqarpoq nulianilu tallimanik meeraqarput, tamarmilu aamma assammik arsarnermik aallussillutik.
Ingi Olsen ukiorpassuit sungiusaasutut sulisarsimavoq, ullumikkullu savalimmiuni assammik arsartartut klubbit pitsaanerpaat ilaanni sungiusaasuulluni. Aasaq u21-it algeriemi VM-erneranni Savalimmiut assammik arsartartuini sungiusaasut tullersortaavoq.
Sisamanngormat peqatigiiffiup nalunaarutigaa Niels Møller piaartunik paaseqatigiinnikkullu sungiusaasutut unittoq.
- Niels Møllerip pisinnaasai siunissami allatut atortarumaarpagut, suleqatiginissaalu qilanaaraarput. Jørgen Isak Olsen oqarpoq.