Assammik arsarnermi ulloq pissartanngorniutivi
Assammik arsarluni ukiormanna pissartanngorniuttoqarnerani pissartanngorniutivinnermi unamminerit pissanganassapput. Unammisussat programmiat takuuk
Unamminerit ilaat naligiiffiusut pissanganartullu pereersut, assammik arsarluni pissartanngorniunnerit naammassilerput, iligiillu pitsaanerit sapaammi pissartanngorniutivinnermi unammissapput.
Pissartanngorniutivittussat
Angutini GSS Nuummeersut aamma Nagdlunguak’ Ilulissaneersut pissartanngorniutivinnermi unammissapput, taakku aamma ippassaq tallimanngornermi imminnut unammipput. GSS qularnaatsumik 40-18-imik ajugaavoq. Kisianni pissartanngorniutivinnermi unammineq allarluinnaassaaq, tassami Nagdlunguami arsartut pingaarnerit uninngatikkallarneqarput, unammisartullu misilittagakinnerusut arsartinneqarput, amerlanerit taamaalillutik unammeqataaniassammata.
Arnani Nuummeersut GSS aamma NÛK pissartanngorniutivinnermi unammissapput, taakku aamma ippassaq tallimanngornermi imminnut unammipput, kisianni unammineq pissangananngilaq, tassami sisamanngornermili pissartanngorniutivinnissartik qulakkeernikuugamikku. Tallimanngornermi unammigamik GSS 32-16-imik ajugaavoq.
Bronzinnanniunnerit
Arnani Team Nuup bronzinnanniussaguni Nagdlunguak’ ajugaaffigisariaqarnikuuaa. Tamannalu aamma nukersorpallaanngikkaluarlutik anguaat. Inuusuttut piukkunnaatillik Nuummeersut unamminermi 35-20-mik ajugaavoq. Team Nuuk aamma SAK Sisimiuneersut bronzinnanniunnermi unammissapput.
Tallimanngornermi angutit Team Sermersooq aamma NÛK unammigamik. Unammineq 25-25-mik inerneqarpoq, taamaattumillu NÛK aamma Norsaq HC bronzinnanniunnermi naapissapput.
Ullormi pissartanngorniutiviffiusumi unammisussat:
Nal. 10.30 Arnat om 5. plads: Nagdlunguaq - Norsaq HC
Nal. 12.00 Angutit om 5. palds: Team Sermersooq - SAK
Nal. 13.30 Arnat bronze: SAK - Team Nuuk
Nal. 15.00 Angutit bronze: Norsaq HC - NÛK
Nal. 17.00 Arnat finale: GSS - NÛK
Nal. 18.30 Angutit finale: GSS - Nagdlúnguaq