assammik arsarneq
Assammik arsarnermi nunanut allanut unammisartut Nuummi sungiusaqatigiissapput
Nunanut allanut unammisartut 21-t toqqarneqarput. Danmarkimi unammisartut sungiusaqataassapput
Assammik arsarnermi angutinut nunanut allanut unammisartunut sungiusaasup Niels Møllerip assammik arsartartut Nuummi sungiusaqataasussat januaarimi pisussami toqqaqqammerpai.
GSS-imi unammisartorpassuit toqqarneqarput. GOG-mi aamma unammisartut - Minik Dahl Høegh, Akutaaneq Kreutzmann aamma Aqqalu Ingemann - sungiusaqataassapput.
Miki Heilmann aamma Angutimmarik Kreutzmann peqataasinnaanatik nalunaarput. Miki Heilmannip suliariteqqammernini pissutigalugu peqataassanngilaq. Nordsjælland Håndboldimi unammisartuusup Angutimmarik Kreutzmannip Randers HH-mut unammisussaanertik pissutigalugu sungiusaqagtigiinnissamut peqataasinnaanani nalunaarpoq.
Panamerikami unammersuarnermi Uruguayimi ingerlanneqartumi peqataasut målmandi Michael Lukasc aamma Rasmus Larsen peqataasussaanngitsutut maluginiagassaapput. Marluullutik assammik arsartarunnaarnertik peqqutigalugu peqataassanngillat.
Januaarip 30-anit februaarip aallaqqaataata tungaanut sungiusaqataasussaasutut toqqarneqarput unammisartut 21-t:
- Isak Olsen GSS
- Patrick Frederiksen GSS
- Lars Kjølbye K33
- Lars Ole Lyberth GSS
- Miilu Rosing GSS
- Inuk Olsen GSS
- Karl Frederik Frederiksen GSS
- Nuka Heilmann GSS
- Danny Brandt GSS
- Eqalunnguaq Kristiansen GSS
- Minik Dahl Høegh GOG
- Akutaaneq Kreutzmann GOG
- Gustav Ostermann Egede NUK
- Ingo Hansen NUK
- Inuk Ostermann Sørensen NUK
- Ludvig Svendsen NUK
- Mikkel Ostermann Norsaq HC
- Nukannguaq Salomonsen SAK
- Aqqalu Ingemann GOG
- Andreas Lorentzen GSS
- Lukas Aqqa Lings SAK