Assakaasut quasartorsiutit suli sapaatip-akunneri marluk atorneqarsinnaasut
Ukiuunerani silap allanngorarnera pissutigalugu, maajip 15-at ilanngullugu assakaasunik quasartorsiutilinnik ingerlasinnaanermut
lloqarfiit nunaqarfiillu amerlanerit – Kommuneqarfik Kujalleq pinnagu – kommuneqarfiit isumasioreerlugit assakaasut quasartorsiutit pillugit inerteqqummik atortitsinngikkallarnissamik immikkut ittumik akuersissuteqarput 15. maj 2018 tungaanut.
Politiit tusagassiuutinut nalunaarummi taama allapput.
- Tamanna isumaqarpoq assakaasut naqqullit ulloq 15. maj 2018 ilanngullugu atorneqaqqusaasut.
Kalaallit Nunaanni Politiit nalunaarutigivaat sumiiffinni aalajangersimasuni silap qanoq issanera tunngavigalugu inerteqqummik atortitsinngikkallarnissamik aalajangiisimallutik.
Inerteqqummik atortitsinngikkallarnissami Kommuneqarfik Kujalleq ilanngunneqanngilaq, taamaammallu kingusinnerpaamik 30. april 2018 assakaasut quasartorsiutit quasartorsiutaanngitsunut taarserneqartussaallutik. Tamanna pisimanngippat politiinit akiligassiisoqarsinnaavoq, politiit taama nalunaaruteqarput.