ASN: Qinngorput kangerlua mingutsinneqassanersoq ilisimaneqanngilaq

Nuummi mittarfissaq pillugu ASN-mut nassuiaammi nutaami, Qinngorput kangerluani mingutsitsisoqarsinnaaneranik aarlerinartoqartoq ilanngunneqarsimavoq.

Mittarfittaassaq Qinngorput kangerluanit ersaringaatsiassaaq, ASN-imut nassuiaammi assitaliussatut ikkussami takuneqarsinnaavoq.

Kalaallit Airportsimit ASN-imut nassuiaatip kingulliup takutippaa, sanaartornerup nalaani sanaartortoqareerneranilu, Qinngorput kangerlua avatangiisaalu qanoq sunnerneqassanersut ilisimaneqanngitsoq.

Mingutsitsisut marluk

Takorluugaasinnaasut marluk massakkut nalilersorneqanngillat:

  • Nuummi mittarfissualiornermi qaartiterisoqarnerani, kvælstoffit dieseluulialu Qinngutsinni kangerluanut pisinnaapput
  • Mittarfik naammassippat quasannaveersaartinneqalerpallu, miffissamut quasarunnaarsaatitut atugassat sinneri Qinngutsinni kangerluanut kuussinnaapput

- Taamaammat siunnersuutigineqarpoq, sanaartornermi suliat aallartinnissaat sioqqullugu, Qinngutsinni kangerlummi tunngaviusumik misissuinerit ingerlanneqassasut, tamatumalu kingorna paasissutissanut tunngavinnik pissarsinissaq siunertaralugu avatangiisit qanoq issusaannik nakkutilliisoqassasoq, mittarfiup kangerlummut sunniuteqarneranik aalajangiisussanik, aamma innarliinarveersaarnermi iluarsiissutit ingerlanneqarnissaannut tunngaviliisinnaasunik, ASN-imut nassuiaammi kalaallisut 30-nik quppernilimmi atuarneqarsinnaavoq. Nassuiaat tusarniussutigalugu nassiunneqaqqammerpoq.

Avatangiisinut sunniut ilisimaneqanngilaq

Nassuiaammi allassimanngilaq assersuutigalugu mittarfiup miffissaanut quasarunnaarsaatit Qinngorput kangerluanut pinnginnissaannut qanoq iliortoqassanersoq.

Qinngorput kangerluani mingutsitsisoqalissagaluarpat, tamannalu ajoqutaappat, Kalaallit Airports mingutsitsisunik piigaqarnissaa avatangiisinut naalakkersuisoqarfiup piumasarisinnaavaa.

Taamaasillutik mittarfissuup ingerlanneqarnerani mingutsitsisoqalissagaluarpat, tamanna mittarfinnik ingerlatsisunut akisunaarneqarsinnaavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS