Asii Tromsømik suleqateqalerniartoq
Tromsøp aamma Nuup assigiissutaat amerlapput, taamaattumik illoqarfiit ikinngutigiilernissaat pingaaruteqarsinnaavoq. Isumaqatigiissut Islandimi atsiorneqassaaq
Nuup aamma Tromsøp illoqarfittut ikinngutigiilernissaat Kommuneqarfik Sermersuumit sulissutigineqarpoq.
Tamanna kommunimi oqaluuserineqarsimasuni atuarneqarsinnaavoq.
- Issittumi illoqarfiit pingaarutilimmik inissisimapput, ineriartorfiupput aamma tamanna ilutigisaanik assingusunik unammillernartitaqarlutik. Inuussutissarsiornermi kulturilerinermilu ineriartortoqarpoq sumiiffinni taakkunani, siunnersuummi atuarneqarsinnaavoq.
Tromsømi borgmesteri Kristin Røymo Nuup suleqatigilerneqarnissaa aamma anguniarpaa - illoqarfiit ikinngutigiilernerat isumaqatigiissummi atsiorneqassaaq Islandimi oktoberimi, Reykjavikimi Arctic Circle Assembly-rtoqarnerani
Tromsø taakkartoneqartuni suleqatigineqarsinnaavoq:
- Inuussutissarsiornikkut, ineriartornikkut suliffeqarnikkullu
- Illoqarfiup ineriartorneranut
- Avatangiiseq
- Meeqqat Inuusuttullu
- Ilinniartitaaneq
- Peqqissuuneq
- Kulturi, timersorneq sunngiffiillu
- Sulisunik paarlaasseqatigiinneq
Isumaqatigiissut atsiorneqareerpat isumaqatigiinnermut sinaakkutarineqartussat suliarineqassapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...