Skip to main content

Asii Naalakkersuisunut: Nalorninermik pilersitsivusi aningaasaliiumasullu tatamisillugit

Kommuneqarfik Sermersuumi borgmesteri, Asii Chemnitz Narup (IA) naalakkersuisooqatigiit mittarfissualiornissamik suliniummik suliarinninnerat pillugu aalassassimaarpoq.

Naak massa borgmesteri oqaatsinik torersunik atuerusukkaluarluni, qularutissaanngilaq pakatsisimasoq, aammalu Naalakkersuisut tatiginassusaat Nunatsinnillu ineriartortitserusussuseqarnerat sakkortuumik apeqquseraa. 

Aviisimit Sermitsiamit aperineqarpoq mittarfissualiornissamik suliniuteqarnermut tunngatillugu Naalakkersuisut kingullertigut iliuuserisaat pillugit Naalakkersuisunut qanoq oqaasissaqarnersoq:

- Nalornilersitsivusi aningaasaliiumasullu tatamisillugit! Nunatta ingerlalluarnissaa soqutigivisiuk? Ineriartortitsinermut peqataaniarpisi, imaluunniit piaaralusi ineriartorneq unitsinniarsarivisiuk, taamaalilluta tamatta atugarlunnerulernissarput aqqutissiuullugu? Tamatta unittuussaagut, nutaanullu alloriarsinnaajunnaarluta inisimalersinneqarluta? 
Taamaassimappat, iluarsiniaruminaatsumik kukkorujussuartoqassaaq! Piffissami peqatigiilluta nutatta ineriartortinneqarnissaanut inuuffigiuminarnissaanillu qulakkeerinninniarnermut sulissutiginnittariaqarfitsinni, aammalu minnerunngitsumik aningaasaliiumasinnaasunit tatigineqarsinnaanitsinnik pisariaqartitsiffitsinni, aqqutigitinniagarsi qularnarluinnarpoq angusaqarfiunaviarnanilu piniinnassagussi!

Aningaasaliiumasut qimagussulissasut aarleqqutigaa 
Asii Chemnitz Narup-ip eqqaasitsissutigaa, illoqarfiit pingaarnersaani periusissiaq 2030-ip tungaanut atuuttussaq aammalu Nuummi mittarfiup 2200-meterinik takissusillip imminnut attuumassuteqarnerat. 

Oqaluttuarpoq, Kommunalbestyrelsip illoqarfiit pingaarnersaanni periusissiamik aalaangiinerata malitsigisaanik, suliffeqarfiit ingerlatsiviillu aammalumi aningaasaliiumassusillit nunatsinni illoqarfiit pingaarnersaanni pilersinniakkaminnut pilersaarusiorlutik aallartereersimasut, allaami ilaasa mittarfiup allilerneqarnera aallartinneqaannartorlu aallartinnissaminnut attataasaq tooriaannanngorsimagaluaraat, maannali borgmesterip aarleqqutigilerpaa annertuumik pilersaarusioreersimagaluit tatamisinneqassasut. 

Allaaserineqartoq tamakkiisumik aviisimi Sermitsiami sapaatip akunnerani matumani saqqummersumi atuarneqarsinnaavoq. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER