Kommunimut qinersineq 2017

Asii Martha Lund Olsenimut eqqartuussivilersuussinissamik isumaliutiginnippoq

Kommuneqarfik Sermersuumi qinersinermi borgmesterinngorniuttut marluk perujuutilerput, tamarmillu imminnut pasilliuteqarfigisaqattaarput.

bolig til salg
Illunik tuniniaasartoq Lynges naapertorlugu Martha Lund Olsenip illua pisiarigaanni tassunga ilaapput uffarfik puaasartartoq, kangerlummut isikkivik aamma init tallimat quleriinni marlunniittut.

IA-meersoq borgmesteri Asii Chemnitz Narup narrujuummingaarami, Martha Lund Olsenip pasilliutigineqarnera tunngavigalugu eqqartuussivilersuussinissamik isumaliuteqarpoq.

Taakku marluk akornanni akiuuttoqarnera paasiniarlugu piffissaq ukiunik aqqaneq-marlunnik 2005-imut kinguartinneqassaaq.

Martha Lund Olsen pisinermi nalaani Namminersornerullutik Oqartussani naalakkersuisoqarfimmut pisortatut atorfeqarami pisortatullu illumik attartortumiit piginnittumut aaqqissuussineq aqqutigalugu pisisimalluni. Taamaalilluni illu akikillisaatitalerlugu kiisalu pisinermi akitiginneqartup 40 procentimik akilersugassaanngitsumik erniaqanngitsumillu taarsigassarsilluni pisiarisinnaasimavaa.

Illu 897.000 koruunilerlugu pisiaraa.

Atugassarititaasut oqinnerusut taakkua tusagassiuutitigut kanngunartuliartut sammineqalerput atorfilittat nuimanerpaat naalakkersuisunullu ilaasortat, ilaatigut Jørgen Wæver Johansen aamma Johan Lund Olsen, neqeroorummik pitsaasumik tamatuminnga iluaqutiginnissimasut paasinarsimmat.

Tuniniaaneq iluanaaruteqarfiusoq?
Ungasinngitsukkut - ukiut aqqaneq-marluk qaangiuttut - saqqummerpoq, Martha Lund Olsenip illuni tuniniarniarlugu aalajangersimasoq, nittartakkamilu tusagassiorfiup kamikposten.gl-ip ima allaaseraa:

''Iluanaarutaarujussuassaaq: Martha Lund Olsenip illu Namminersornerullutik Oqartussanit pisiani tuniguniuk 2,5 millionit koruunit missaannik iluanaarutigisinnaavaa''

Martha Lund Olsen inatsisinik unioqqutitsisimanani AG-mut naqissusiivoq, illup nutarsarneqarneranut aamma 1 million koruunit sinnerlugit aningaasartuuteqarsimanerarpoq.

Pitsaanngitsumik iliuuseqarneq
Isumaqarpormi kommunimut qinersinissamut qineqqusaarnermi pissusilersuutigineqartoq tamanna kusananngitsuusoq, tassami nittartakkap allaaserisaqarnissaa sioqqutitsiarlugu sulisumit Kommuneqarfik Sermersuup borgmesterianut Asii Chemnitz Narupimut qanittumi inissisimasumit sulinerup nalaani tuniniakkap inissitsiternerata illunik tuniniaasartumiittup aaneqarsimanera uppernarsarsinnaavaa.

- Tamatuminnga saqqummiussinermikkut uannik nakkartitsiniarsaripput, Martha Lund Olsen oqarpoq.

Asii Chemnitz Narupip peqqussutigisimagaa ilimagaajuk? Tamanna uppernarsarsinnaanngikkukku tamanna mamarliinerussaaq?

- Sulisup pineqartumut taama qanitsigisumiittup akuerineqaqqaarani taamaaliorsinnaanissaa takorlooruminaatsippara. Suliffiup nalaani aaneqarsimammat tamanna nammineq suliniuteqarnikkut pisimassasoq takujuminaatsippara. Kisianni tamanna nalunaqaaq. Neriuppunga Asii taamaaliorsimassanngitsoq. Taamaaliorsimappat pakatserujussuassaanga. Kisianni ilisimateqqaarnagu taama pisoqarsinnaanera eqqumiissaqaaq, politikeri kommunimut naammagittaalliorsimasoq oqarpoq.

Asii attuumassuteqannginnerarpoq
Kamikposten.gl-ip allaatigisaanut attuumassuteqanngilluinnarnini, Asii Chemnitz Narupip AG-mut oqaatigaa. Pingaarnertulli kamaatigisaa tassaavoq, qineqqusaarnerup nalaani kommunip sulisuisa politikkimut tunngasumik atorneqarsimanerannik Martha Lund Olsenip pasilliinera.

- Qineqqusaarnerup nalaani sulisorisama maajunnartunik peqqusersusaarnissaannik naalakkiisimanerarneqarnera suleriaatsinnut attuumassuteqanngilluinnarpoq. Pasilliinerit taamaattut akuerisinnaanngilluinnarpakka. Tamanna ingasappallaaqaaq. Politikki pillugu qineqqusaarpunga, pasilliinernik taama ingasatsigisunik ajortisarneqarnissara pinnagu, Asii Chemnitz Narup oqarpoq.

Allaaserisaq tamaat aviisimi AG-mi atuaruk. Aviisi uani ataani linki atorlugu pisiarisinnaavat:

Powered by Labrador CMS