Arctic Winter Games
Asii AWG-mit bloggerpoq: AWG 2016 Kalaallit Nunaanniissaaq, qilanaarpugut
Borgmester Asii Chemnitz Narup Arctic Winter Games-imit bloggerpoq. Aana ilanngussaa siulleq
2016-imi Nuummi Arctic Winter Gameseqarnissaanut aallartisaassutigalugu Kommuneqarfik Sermersuumi borgmesteri Asii Chemnitz Narup, Inuit Ataqatigiit, maannakkut Arctic Winter Gamesimi Alaskami illoqarfimmi Fairbanks-imiinnerani bloggertaassaaq - bloggia siulleq aana:
– Kangerlussuarmit Fairbanks-imut timmisartornerput assersuunneqangajassinnaavoq qatsunganersuup ataani kangerlummi angallammik angalanermut. Qilanaarneq immikkut ittumik misigisaqartitsivoq tulluusimaartitsillunilu. Mittarfimmi uummammik pisumik tikilluaqquneqarneq, minnerunngitsumik timersortartutsinnut, tamatsinnut itisuumik misigisaqartitsivoq. Illoqarfimmiut aqqusinermi unitsittarpaatigut tikilluaqqullutalu, tusaraangamikkulu Kalaallit Nunaanneersugut - ingerlaannaq oqartarput:
AWG 2016 Kalaallit Nunaanniissaaq, qilanaarpugut.