Nanortalik
Aserorterisoqarnerata kingorna politiit takunnittunik ujartuipput
Nanortalimmi inuusuttut sukisaartarfianni 'Alummiuni' aserorterisoqarsimavoq. Politiit takunnittuinik ujartuipput
Annonse
Inuusuttut sukisaartarfiat 'Alummiu' annertuumik aserorteriffigineqarsimavoq.
Inuusuttut sukisaartarfianni sammisaqartitsinermut atortut aserorterneqarsimasut, Nanortalimmi politiit ilisimatitsipput.
Takunnittunik ujartuisut
Taamaammat politiit aserorterinermut takunnittunik ujartuipput.
Aserorterineq pisimavoq sisamanngornermi ulloq 23. februar 2017 nal. 23:00 missaaniit tallimanngorneq ulloq 24. februar 2017 nal. 10:00 missaanut, Kujataani aqutsisuugallartoq Laila Thomsen Fleischer ilisimatitsivoq.
Aserorterinermut takunnissimasinnaasunik imaluunniit allatigut aserorterinermut tunngasumik paasissutissaatillit, Nanortaliup politeeqarfiata oqarasuaataanut 701123-mut saaffiginneqquneqarput.