perlerortoq

Arsummi perlerortoqarneranik pasitsaassisoqaqqippoq

Paamiut kujataanni nunaqarfimmi perlerortoqaqqikkunarpoq

Arsuk - assi toqqorsivimmit

Kommuuni Nunatsinni inuussutissalerineq aamma inuussutissat pillugit Oqartussaaffik Arsummi teriannianik perlerortoqarneranik kingullermik pasitsaassaqarpoq septembarimi.

Arsummi teriannissanik perlerortoqaqqikkunartoq Kommuneqarfik Sermersooq nalunaarpoq.

- Arsummi terianniamik perlerortoqarneranik pasitsaassisoqarpoq. Pingaartorujussuuvoq uumasut taamaattut qanillineqannginnissaat. Aammattaaq pingaarpoq nerisassanik eqqagassanillu maaniinnaarmiititsinnginnissaq, teriannissanik qaninngoortitsisinnaammata, Kommuneqarfik Sermersooq ilisimatitsivoq.

Kommuuni Nunatsinni inuussutissalerineq aamma inuussutissat pillugit Oqartussaaffik suleqatigalugu, terianniap toqunneqarnissaa, perlerornersorlu misissorneqarnissaa isumagissavaa.

Qimmit qitsuillu tamarmik illup iluani isersimatinneqassapput, qulakkeerneqassaarlu ukiut kingullit pingasut iluanni perlerornermut kapitissimanissaat, nalunaaruteqartoqarpoq.

Qimmilerisup Leif Jensenip oqarasuaat angallattagaa 565922-mik normoqarpoq.

Powered by Labrador CMS