Skip to main content

Arsaattartut peqatigiiffiata meeqqat Danmarkimut inissinneqarsimasut aasaanerani Nunatsinnut angala

Peqatigiiffik Kalaallit Meerartaat isikkamik arsaattartut peqatigiiffiata AaB-mit akissarsitinneqartussatut innersuunneqarpoq. Peqatigiiffik ajugaassappat, meeqqat inissinneqarsimasut Kalaallit Nunaannut angalanissaannut atorneqassapput

Kalaallit meerartaat Danmarkimi angajoqqaarsiartaarsimasut amerlasoorpassuartigut nunagisartik ilisimasaqarfigineq ajorpaat. Tamannalu Peqatigiiffik Kalaallit Meertaasa suliniuteqarfigilerpaa. Peqatigiiffiummi meeqqat Nordjyllandimi ilaqutariinnut inissinneqarsimasut aasanerani angalasinnaanerat suliniutigaat.

- Kinaassusertik ilisimanerulerunikkit iluaqutigingaatsiarsinnaavaat, Peqatigiiffik Kalaallit Meerartaanni teamlederi Jeppe Bülow Sørensen, Sermitsiaq.AG-mut oqarpoq.

Siulitik nassaarisinnaagaat

Peqatigiiffiup ukiuni kingullerni marlunni meeqqat taakkua Danmarkimi sapaatip akunnerisa naanerini tammaarsimaarnissaat aaqqissuuttaarsimavaa. Meeqqat 15-it ataatsimoorlutillu misilittakkaminnik oqaluttuarsinnaasut pineqarput.

- Aasanera Kalaallit Nunaannut angalatitsisalernissaq suleqatitsinnit isumassarsiarineqarpoq. Isumassarsialatsiaavorli, meeqqammi ilaqutariinnit danskini peroriartoraluarlutik kalaaliunertik pillugu paasitinneqartuarput, Jeppe Bülow Sørensen oqarpoq.

Akissarsitinneqarnissamut innersuunneqartoq

Aasaaneranili taamatut angalatitsinissamut Peqatigiiffik Kalaallit Meertartaat akissaqannginnera ajornartorsiutigineqarpoq. Taamaammat isikkamik arsaattartut peqatigiiffiata AaB Spar Nord Fonden suleqatigalugu ‘Hele Nordjyllands Håndsrækning’ pilersissimasaanut, peqatigiiffik qinnuteqarpoq.

Suliniullu taanna AaB aamma Spar Nord aallartitaanit suliniutit pingasut akornanni toqqagassatut innersuunneqarpoq. Suliniutinilu ajugaasoq, AaB upernaap ingerlanerani arsaattarfianut isiginnaariat tamarmik isernermi akiliutigisaannit tamatigut 2 koruunimik pissarsisassaaq.

Peqatigiffik Kalaallit Meerartaasa uku pingasut neriuutigilerpaat.

1. Siullertut suliniut amerlasuunit toqqarneqarnissaa. Tamanna uani pisinnaavoq.

2. AaB upernaami angusarissaarnissaa...

3. Illersuisartut amerlasuut arsaattarfimmut isiginnaariarnissaat.

- Meeqqat siuaasaminik naapitaqarlutik pissarsilluarnissaat qularutiginngilara, Jeppe Bülow Sørensen oqarpoq.

Aasaanerani angalatitsinissamut aningaasat pissarsiarineqassappata, Qasigiannguani katersugaasivik najukkami meeqqanut arlallinnik sammisassaqartitsereersoq suleqatigalugu angalaneq aaqqissuisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER