Timersornermi ammip qalipaataa aallaavigalugu immikkoortitsineq
Arsaattartoq ammip qalipaataanik immikkoortitsinini pillugu unammeqataasinnaajunnaarpoq
Isikkaamik arsaattartoq sungiusaasumut ammip qalipaataanik immikkoortitsinera pillugu Kalaallit Nunaani Isikkamik Arsaattartut Kattuffianit unammeqataasinnaajunnaarsinneqarpoq.
Nunanut allanut timersoqatigiiffimmulli B-67-mut Nuumminngaanneersumut sungiusaasoq, Tekle Ghebrelul, Kâgssagssummi unammeqataasartumit Snapchat-ikkut banaaninik aapakaamillu emojilerlugu saqqummersinneqarpoq.
Aamma atuaruk: Nunanut allanut sungiusaasoq aapakaatut isigineqartoq
- Kalaallit Nunaani Isikkamik Arsaattartut Kattuffianni siulersuisut amerlanerussuteqartut isumaqatigiissutigivaat, timersoqatigiiffimmi Kagassassummi arsaattartoq GM-imut anngunniunnermi peqataasinnaajunnaassasoq, ukiamullu illup iluani isikkamik arsaalluni unammissanut peqataassanngitsoq, John Thorsen KNR-mut oqarpoq.
- Pisoq Kalaalit Nunaani Isikkamik Arsaattartut Kattuffianni naleqartitanut naapertuutinngitsoq, taanna oqarpoq.
Kâgssagssummi siulersuisut pisoq ajuusaarutigaat, pisorli timersoqatigiiffimmi eqqartorneqassamaarpoq.