Arsaannermik unammisartutoqqat naligeeqisut

Pisarnertut innarluutillit peqatigiiffiat aamma gigtertut peqatigiiffiat "arsaattarfimmi" minutsini 90-ini unammipput

Inuiattut ullorsiornermi pujoralattumi pisarnertut arsaallutik unammipput Gigtertut Peqatigiiffiat Innarluutillillu Peqatigiiffiat. Benny KokholmArsamik kimmitsilluni torrallaasoqarsinnaavoq. Benny KokholmArlaleriarluni pakkiisoqartarpoq Gigtertut Peqatigiiffiat aamma Innarluutillit Peqatigiiffiat inuiattut ullorsiornermi arsaallutik unammimmata. Benny KokholmInuiattut ullorsiornermi pisarnertut arsaannermi Innarluutillit Peqatigiiffiata Gigtertut Peqatigiiffiat 3-2-mik ajugaaffigaa. Benny Kokholm

Inuiattut ullorsiornermi ileqquuvoq Nuummi innarluutillit peqatigiiffiata aamma Nuummi Gigtertut Peqatigiiffiata arsaallutik unammisarnerat.
Ukioq manna unammiffik pujoralatsitseqaaq. Blok P-toqarsuaq anorimut sakkortusiartortumut oqqiffiujunnaarsimammat arsaaffimmit Nuummilu playground-imit pilersinneqaqqammersumit sioqqat teqqaapput.
Nillertumik anorlernera aamma pissutaasimagunarpoq pisarnertut isiginnaartoqartiginnginneranut. Takkutinngitsoortut unammineq aliikkutaalluartoq ingerlalluarneqartorlu arajutsivaat, unamminermilu innarluutillit peqatigiiffiat 3-2-mik ajugaavoq.

Powered by Labrador CMS