Arsaannermi GM
Arsaannermi GM: U-18-it Uummannami ajuuteqattaaqaat
Arsaannermi U-18-it unammersuarneranni B-67 Nuummeersoq ajugaaqqippoq. Angusat assillu takukkit
U-18-it arsaallutik pissartanngonriunniunnerani Uummannami ulluni makkunani pisumi pulje 2-ni B-67 Nuummeersoq ajugaasuuvoq. Pingasunngornermi unamminerit takutissavaat semifinalenut sisamanngornermi pisussanut kikkut allat annguteqataajumaarnersut.
Atuaruk: Arsaannermi GM: U-18-it Uummannami pissartanngorniutilerput
U-18-it unammersuarneranni unamminerit marlunngornermi nanginneqarput tassanilu FC Malamuk Uummannameersdoq aamma K-33 Qaqortumeersoq unammipput. Tassani isaatitsisoqalaavippoq K-33 6-4-mik ajugaammat.
Unamminerup aappaan B-67 Nuummeersoq aamma Nagdlúnguak pulje 2-mi unammipput. B-67 tassani 4-0-mik ajugaavoq taamalu sisamanngornermi semifinalemut anngulluni. Taakku pingasunngornermi arsanngikkallassapput.
Kingmek-45 Upernavimmeersoq aamma Nagdlúngak pingasunngornermi unammissapput tassanilu ajugaasut semfinalemut pulje 2-miit anngutissapput.
Pingasunngornermi pulje 1-mi unamminermi aalajangerneqassaaq kikkut semifinalemut anngutissanersut. FC Malamuk ataasiinnarmik pointeqarpoq taamaattorli semifinalemut suli anngussinnaalluni. Taakku periarfissaqalissapput K-33 SAK-mut Sisimiuneersumut ajugaassappat FC Malamuk imaluunniit SAK anngutissanersoq paasinarsissaaq målit isertitat kisinneqareerpata.
Aajuku marlunngornermi angusat:
FC Malamuk – K-33 4-6
Nagdlúnguak – B-67 0-4
Aajuku pingasunngornermi unamminissat
Nal. 18.00 SAK – K-33
Nal. 20.00 Kingmek-45 – Nagdlúnguak
Unamminerni assit ataani takukkit