Arsaannermi GM
Arsaannermi GM: U-18-it ulloq finalerfiat allanassaaq
Arsaannermi U-18-it unammersuarneranni finalertussat piareerput. Angusat takukkit
B-67 Nuummeersoq aamma K-33 Qaqortumeersoq arsaannermi U-18-it unammersuarneranni finalemut anngupput unammersuarnerillu tallimanngornermi naammassissapput. Bronzennanniunnermi Nagdlúnguak Ilulissaneersoq aamma FC Malamuk Uummannameersoq unammissapput.
Finale nalunaaqutaq qulinut aallartissaaq K-33-p angalanissamut pilersaarutaa pissutigalugu. Taakkumi Qaarsuniit ualimut aallartussaapput nalunaaqutarlu 14 nallertinnagu pisattaminnik tunniussereersimasussaallutik. Taamaammat semifinalet sisamanngornermi unnukkut naammassimmata unamminissat tulleriiaarnerat allanngortinneqarpoq.
Semifinalemi siullermi K-33 aamma Nagdlúnguak unammipput tassanilu K-33 4-1-mik ajugaavoq. Semifinalep aappaani B-67 FC Malamummut 8-1-mik ajugaavoq.
B-67 aamma K-33 puljeqatigiinnginnamik U-18-it GM-qarneranni suli unamminngillat.
Normu 5-nngorniulluni aamma unammisoqartussaavoq tassani Kingmek-45 Upernavimmeersoq aamma SAK Sisimiuneersoq unammissammata.
Aajuku sisamanngornermi angusat:
K-33 – Nagdlúnguak 4-1
B-67 – FC Malamuk 8-1
Aajuku tallimanngornermi unamminissat:
Nal. 10.00 B-67 – K-33 (finale)
Nal. 14.00 Kingmek-45 – SAK (normu 5-nngorniunneq)
Naæ. 16.00 FC Malamuk – Nagdlúnguak (bronzennanniunneq)
Assit ataani takukkit