Arsaannermi GM
Arsaannermi GM: U-18-it semifinalemut piareerput
Unamminerni marlunni aqqaneq marloriarluni ajuuttoqarpoq U-18 arsaannermi Uummannami unammersuarnerat pingasunngornermi ingerlaqqimmat. Angusat assillu takukkit
Målet isertitat apeqqutaapput U-18-it arsaannermi Uummannami GM-eqarneranni semifinalemi peqataasussat inissimmata. FC Malamuk sisamanngornermi B-67-mut Nuummeersumut semifinalemi unammisussanngorpoq, semifinalep aappaani Nagdlúnguak Ilulissaneersoq aamma K-33 Qaqortumeersoq unammisussanngortut.
Atuaruk: Arsaannermi GM: U-18-it Uummannami ajuuteqattaaqaat
Unamminerit pingasunngornermi ingerlaqqimmata K-33 SAK-mut Sisimiuneersumut 6-0-mik ajugaavoq. Nagdlúnguak aamma Kingmek-45 Upernavimmeersoq 3-3-mik naligiiginnarput taannalu naammappoq Nagdlúnguup semifinalemut anngunnissaanut.
Atuaruk: Arsaannermi GM: U-18-it Uummannami pissartanngorniutilerput
Unamminerit aallarniutaasut naammassimmata FC Malamuk aamma SAK pulje 1-mi pointeqatigiipput. Ammaanermi taakku 1-1-mik naligiiginnarput. FC Malamuk isertitaqarnerugami semifinalemut ingerlaqqippoq sisamanngornermi nalunaaqutaq 16.00 B-67 Nuummeersoq unammissallugu.
Semifinalep aappaani Nagdlúnguak aamma K-33 unammissapput taakkulu nalunaaqutaq marluniit unammissapput.
Aajuku pingasunngornermi angusat:
SAK – K-33 0-6
Nagdlúnguak – Kingmek-45 3-3
Aajuku sisamanngornermi unamminissat:
Nal. 14.00 K-33 – Nagdlúnguak (semifinale)
Nal. 16.00 FC Malamuk – B-67 (semifinale)