TIMIuna
Arpatsitsineq 2.000-t sinnerlugit peqataaffigineqarluni iluatsilluartoq
Timersorneq timilu pillugit atuagassiaq Timiuna iluatsilluartumik nuna tamakkerlugu arpatsitsivoq, taallugu ´Timiunap ikinngitigiinnik apartitsinera´
Maajip aallaqqaataani Timiunap, assigiissunik arpattartunut vesteqartitsilluni, iluatsilluartumik nuna tamakkerlugu 2.000-t sinnerlugit peqataaffigineqartumik ataatsikkut arpatsitsinerani illoqarfiit tamarmik nunaqarfiillu ilaasa arpatsitsineq aaqqissuuppaat.
– Tamanna taamaallaat iluatsissinnaasimavoq kommunit aaqqissuussisullu suleqatigiilluarsimammata, aningaasaliisunit tapersersorneqarluarlutik, Timiuna-mik saqqummersitsisartoq arpannermillu aaqqissuussisoq Maren-Louise P. Kristensen oqaluttuarpoq.
Peqataasusussat ikinnerussangatissimavai
Timiunap naatsorsuutigisimagaluarpaa peqataasut 1.600-t missaanniikkumaartut, nunali tamakkerlugu peqataasut tassa 2.000-t sinneqarsimapput.
– Timiunap tulluusimaarutigaa takullugu Kalaallit Nunaat tamarmi ullormi tassani ataatsimoorluni aalaqatigiissoq. Taamaallaat Qaanaami arpanneq maajip 8-annut kinguartittariaqarsimavoq, apinerata kingorna aqqusinernit quasammata arpattartullu vestissaat kingusinaarsimammata, aaqqissuussisoq oqaluttuarpoq.
Arpatttartut vestii akeqanngitsut
Taanna oqaluttuarpoq Kalaallit Nunaanni Timersoqatigiit Kattuffiat, Faxe Kondi aamma Pisiffik suleqatigalugit, peqataasunut tamanut arpattartut vestiinik akeqanngitsumik tunnissuteqarsimasut.
– Timiunap qutsavigissavai Inuuneritta Puljen allagartarsuarnik tapiissuteqarnera pillugu, minnerunngitsumillu Air Greenland, arpattartut vestiinik allagartarsuarnillu tamanik assartuinera pillugu, aammalu Banknordik, MaajiNuann, illoqarfinnilu nunaqarfinnilu tamani peqataasut aaqqissuussisullu, assigiinngisitsinissamik piumassuseqarsimammata, Maren-Louise P. Kristensen oqarpoq.