Island Games
Arnat sungiusaasuat: Anguniagarput unaavoq
Kalaallit arnat arsaannermi nunanut allanut unammisartut siullermik sapaatiuppat unammissapput
Island Gamesimi, Den Engelske Kanal-imi qeqertami Jersey-mi ingerlanneqartumi, kalaallit arnat arsaannermi nunanut allanut unammisartut gruppimi unamminermi unammisassaraat Hitra aamma Jersey.
Nunat unammiuaarnermi peqataasut 11-t gruppinut pingasunut avissimapput. Gruppimi ajugaasut toqqaannartumik semifinalimut anngutissapput, gruppimilu nr. 2-ngortut semifinalimut anngunnissaannut angusaat apeqqutaassallutik.
– Hitra nalunngilluarparput. Siusinnerusukkut unammisimavagut ajugaaffigilluarsimallugillu. Unammisartuili sukalanerulersimapput, unammeriaasialli ilisimalluarparput, Bent Petersen Sermitsiaq.AG-mut oqarpoq.
Medalje-nanniarput
2009-mi Islands Gameseqarnerani Kalaallit Nunaata gruppimi unammisassami aappaa, angerlarsimaffimmini unammisoq Jersey unammivaa.
– Arsallaqqilluartuupput. 2009-mi naligeeqaluta unammereerluta 1-3-mik ajorsarfigaavut. Unammeqqinnissaat qilanaaraarput, arnat arsaannermi nunanut allanut unammisartut sungiusaasuat oqarpoq.
Island Gamesimi unammiuaartarnerni kingullerni marlunni nunanut allanut unammisartut medalje-nattarput. Kingullermik Bermudami sølvinnallutik.
– Semifinalimut anngunnissarput anguniarparput. Unammiaarnermi matumani medalje-nanniarpugut. Unamminissatsinnut taktikkerput inissereerparput, oqaluttuarinianngilarali akerassatta allaaserisaq atuaqinavaat, nunanut allanut uanmmisartut sungiusaasuat Bent Petersen qungujulluni oqarpoq.
Sapaatiuppat kalaallit unammeeqqaarunik Hitra unammissavaat.