Inernerit takukkit
Arnat GM aallartiinnaqaat
Qulingiluariarluni isertitsitsoqarpoq arsaannermi arnat pissartanngorniunnerat ataasinngornermi aallartimmat. Angusat takukkit
I-69 Ilulissaneersoq aamma NÛK Nuummeersoq arnat arsaannerani ukiorpaalussuarni siuttuusut ukiormanna GM-qarnerani aamma aallartilluarput.
Ammaanersiorluni unamminermi I-69 aamma B-67 Nuummeersoq unammipput tassanilu sungaartunik kiatillit Ilulissaneersut 6-0-mik ajugaapput.
Isertitsisut
Nunanut allanut unammisartoq Karoline Malakiassen marloraarpoq Linda L. Brandt, Karen-Louise Vetterlain, Lisa Lind Fleischer aamma Mikala Tobiassen tamarmik ataaseraarput.
Unamminerup aappaani NÛK aamma UB-68 Uummannameersut unammipput. Tassani pisut NÛKp aquppai aammalu 3-0-mik ajugaalluni. Isertitsisut tassaapput Olina Kristiansen, nunanut allanut unammisartoq Arnaq B. Egede aamma Najaaja Lyberth.
Qaqortumiit peqataasinnaajunnaartut
KB-84 Kangaatsiameersoq suli unamminngilaq taakkulu marlunngornermi ualikkit siullermeerlutik unamminerminni I-69 unammissavaat.
Arnat GM-qarneranni iligiit peqataasut tallimaapput. Arfinilissaralui K-33 Qaqortumeersut unammersuarnerit sioqqutilaarlugit peqataasinnaajunnaarlutik nalunaarput. Taamaammat maanna pissartanngorniuteqataasut tamarmik imminnut unammissapput inissilluarnerit marluk arfininngorpat finalemi unammissallutik.
Aajuku marlunngornermi unamminissat:
Nal. 16.15 I-69 – KB-84
Nal. 18.30 B-67 – UB-68