assammik arsarnermi GM
Arnat angutillu assammik arsarnermi GM-erneranni timersoqatigiiffiit uku pissartanngorniutissapput
Assammik arsarnermi Nunatsinni pissartanngorniunneq ullumi ataasinngornermi aallartissaaq. Arnani timersoqatigiiffiit arfinillit peqataassapput angutini arfineq marluk peqataassallutik
Inersimasut assammik arsarnermi Kalaallit Nunaanni pissartanngorniunnerat, Banknordiks senior-GM 2015 Håndbold, Nuummi ullumi ataasinngornermi aallartissaaq.
Timersoqatigiiffiit GM-ertoqarneranni tamarmik imminnut naapissapput, pointeqarnerpaat sapaatiuppat finalissallutik.
Arnani timersoqatigiiffiit uku peqataassapput: Aaqqissuisut GSS aamma NÛK Nuummit, Aasiannit Norsaq HC, Maniitsumit Kâgssagssuk, Sisimiunit SAK kiisalu Ilulissanit Nagdlúnguak.
Angutini unammeqataassapput: Ilulissanit Nagdlúnguak, Narsamit N-85, Aasiannit Norsaq HC, Qaanaamit QNQ, Nuummiut GSS aamma NÛK, Sisimiuniillu SAK.
Ataasinngornermi unammisussat:
Angutit:
- Nal. 15.00: Norsaq HC - QNQ
- Nal. 16.30: GSS - NÛK
- Nal. 20:15: Nagdlúnguak' - N-85
- Nal. 21:45: QNQ - SAK
Arnat:
- Nal. 18.00: NÛK - GSS
Unamminerit tamarmik Inussivimmi ingerlanneqartassapput.