arnanut persuttaasarneq
Arnat aappaminni persutaasartunut najugaqartariaqartartut
Nuummi arnani persuttagaasartuni siunnersortinnermut peqataasuni 89-iusuni, ataasiinnaq inissarsitinneqarnissaanut iluatsippoq
Nuummi arnat persuttagaasartut aappartik persuttaasartoq qimakkaangassuk imaluunniit kissaatigippassuk, nutaamik inissaannik pissarsissunnissaat suliaq ajornakusoortupilussuuvoq.
Arnat 89-t
Meeqqat aamma ilaqutariit orniguttarfianni arnat persuttagaasartut 89-iusut siunnersortissimasut akornanni, ataasiinnaq inissarsitinneqarnissaa iluatsissimavoq.
Atuaruk: Arnat nakuuserfigineqartaranerat akiorniarlugu suliniummut Mary Fonden ilaavoq
Uteqqittartut
Taamaattumik amerlasuut aappaminnut persuttaasartumut uteqqittariaqartarput imaluunniit najugaqaannartarput. Tamannalu soorunami arnanut annertuumik unammillertitsisarpoq.
Danner.dk taama allappoq, taanna Nunatsinni arnat persuttagaasartut pillugit takisuumik allaaserisamik saqqummiussivoq.
60 procentit sinnerlugit
Nunatsinni Politiit ukiumut kisitsisit takussutissiat saqqummiussaasa qanittukkut naak takutikkaluaraat, ukiuni kingullerni pinerluttarneq ataatsimut isigalugu annikilliartoraluartoq, kalaallit qimarguiviinut unammilligassat suli amerlapput.
Arnat quliugaangata arfinillinit amerlanerusut persuttarneqarsimasarput, Danner.dk allappoq.