Skip to main content

Arnaq sergenti sorsunnissamut piareerpoq

29-nik ukiulik Ivalu Stender humaniorami ilinniagartuujuvoq, filosofiulluni maanna aamma Illersornissamut sergentiuvoq, piumasaqaataassappallu Irakiliarnissamut piareersimavoq.

- Aperissagumma suna annilaagaginerpaaneriga tassaavoq ersinerup aqulissagaanga susinnaajunnaartillunga. Iluarinepaavara ilorrisimaarneq qimallugu nutaanik misigisaqarnissaq. Arlaannik ajortunik pisoqariataartoqartuaannarpoq. Kisiannimi taanna pisoq silarsuarmi torrannerpaajuguni? Taamaassimappat imminut akilerluakutsuussaaq, Ivalu Stender oqarpoq qungujoruloorlunilu.

Arnaq nukittooq

Arnaavoq tupinnaannartumik qimilik, ingilluni sukangasumik qorsummik tujuuluaralerluni nutsanilu kataqqajaasumik qilertinngorlugit iluarsisimallugit. Assaqquani kakiortinnerisa ilaat nammineq titartarsimasaasa ilaat ersiaqqalaarpoq, taannalu inuttaanut assut assinguvoq. Arnaq naggueqatigiinnit inunneersutut isikkulik torrattupajuk, Ivalu Stenderip oqarneratut:

- Nalinginnaasumik inuunerup taarnerpaaffia imatut ersiginngilara. Misilinneqarnerit arlallit uannut suliannullu tunngatillugu milittagaqarfigaakka, paasivaralu nakkarfiit amerlanerit anigorneqarsinnaasut makeqqinnissamullu nukissaqalertitsisartut. Piffissaq sivisusinnaavoq kisiannili namminermiit aallartittariaqarpoq. Illersornissamut tunngatillugu killissarititat amerlaqisut qaangerneqartarput imminullu assorsuaq ilinniarfiulluni. Tamanna ineriartornermut aqqutaavoq. Ingerlaannassaanga nuannerunnaarnissaata tunngaanut, Ivalu Stender oqarpoq, sakkutuunut sergentitut sulereeruni alloriarfissaq nalinginnaasoq tassaasoq sakkutuunut angalasunut ilanngunnissaq sergentilluunniit qullersaattut ingerlaqqinnissaq immaqalu
Afghanistanimut Irakimulluunniit sakkutuutut suliartornissaq.

- Inuttut suliamullu tunngatillugu sakkutuutut nunarsuarmi angalaneq misilittagaqarfigaara. Ingerlasussanik piareersaaneq aqutsinerlu sammisarigakkit sorsuttut akornanni sulinermut akuliuttussaanngilanga. Taamatut oqareeraanni, allanik mianernartunik ilaqarpoq; aqquserngup sinaani qaartartut, sakkutuut eqqaassisut, imminullu pilliutigaluni qaartartumeerisut. Taamaakkaluartoq Afghanistanimukaqqusaassagaluaruma oqassagaluarpunga `ajunngilluinnarpoq` ilaquttakkalu kalerrissavakka sumukalerninnik, taanna oqarpoq.

Ivalu Stender pillugu allaaserisaq Arnanut saqqummeqqammertumi tamakkerlugu atuaruk, taaanna pisiniarfinni pisiassaalereerput, imaluunniit digitalinngorlugu uani pisiniarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER