Voldtægt
Arnaq inuusuttoq pinngitsaaleriarneqartoq
Ajortuliortoq nassuerpoq iperarneqarlunilu
Annonse
Nuummi Politiit paasissutissiipput angut tigusarineqarsimasoq iperagaaqqillunilu kingornalu eqqartuunneqassasoq arnamik inuusuttumik sinittumik pinngitsaaleriarsimasutut. Arnaq 18-it inorlugit ukioqarpoq, 15-illi sinnerlugit ukioqarluni. Pinngitsaaliineq pivoq sapaatip akunnerata naanerani qaangiuttumi.
– Pisimasoq pinngitsaaliinertut imaluunniit pinngitsaaleeriarnertut isigineqarpoq. Tamanna pivoq inissiami erngunnermi, tassani arnaq ineeqqamut isersimalluni sininniarluni. Itersimavoq angutip pinngitsaaliniaraani. Angut nassuerpoq, inatsisilerituuvullu naliliipput angutip tigummineqarnissaanut pisimasoq naammanngitsoq. Eqqartuunneqarumaarporli, Karl Sværd oqaluttuarpoq, annertunerusumillu paasissutissiisinnaanngilaq.