Aasiaat
Arnap uini savilersorfigigaa
Arnaq Aasiammiu uiminut savilersornermi kingorna kiinaatigut kiliisoq nakuusersimasut unnerluutigineqarpoq
Aappaariit tallimanngormat unnukkut imernerat kiinnakkut kilerneqarnermik isertitsivimmiitinneqarmillu kinguneqarpoq.
Taama Aasiaat politiivini politiassistenti, Nuunu Larsen, Sermitsiaq.AG-mut oqaluttuarpoq.
Pisoq tallimanngormat unnukkut arfineq pingasup missaani pivoq. Aappariit tassani isumaqatigiinngilersimapput arnap uiminut savilerluni saassusserineranik kinguneqartumik. Angut kiinnamigut annikitsumik kilerneqartoq, Nuunu Olsen oqaluttuarpoq.
Angut kilerneqartoq Aasianni napparsimavimmi passutarineqartoq, arnaq politiinit tigusarineqarpoq isertitsivimmilu unnuisinneqarluni. Kisianni arfinininngornermi killisiorneqareerluni iperangaavoq.
Arnaq politiinit aapparminut nakuusersimasutut unnerluutigineqarpoq.
Aasianni politiit oqarnerattut aappariit 35-t aamma 40-t akornanni ukioqarput.