naqiterinermi ajutoorneq
'Arnanut' saqqummernissaa kinguartikkallarpoq
Arnat pillugit atuagassiap naqiterneqarnerani kukkusoqarsimanera pissutaalluni saqqummernissaa ulluni 14-ni kinguartippoq
Annonse
Aviisit naqiterneqaraangata kukkusoqarsinnaasarpoq. Taamaattoqartillugu suararpassuit eqqorneqartarput. Atuagassiap 'Arnanut' naqiterneqarnerani taama pisoqarpoq.
Naqiterneqarnerani qupperneq 14-iusussaagaluaq qupperneq 4-mik allaqqasoqarpoq, taamaasilluni suararpassuit eqqorneqarlutik.
Atuagassiap naqiteqqinneqarnissaa pisariaqalerpoq. Royal Arctic Line Nuummut septembarip 25-ani tikeriarpat tuniniarneqarsinnaanngussaaq.
Atuagassiamut inniminniisimasut naqiternerlutanik nassiussiffigineqareerput. Taakku pingasunngormat nassiunneqarput, ullunilu qaninnerni tikissallutik. Soorunami aamma taakku nutaaq saqqummerpat nassiussiffigineqassapput.