Skip to main content

Arnanut isummersortartui: Arnat ikippallaat naalakkersuinernik suliaqarpat?

Arnat politikkimi peqataavallaanngillat? Atuagassiap 'Arnanut' arnat isummersortuni taama aperai. Isummersortut tamangajammik angerput.

Arnanumi saqqummersuni nutaani tamani arnat aalajangersimasut isummersortinneqartarput. Uani saqqummersumi nutaami Inatsisartuni Naalakkersuisunilu ilaasortanngortut suiaassusaasa inissisimanerat pillugit arnat isummersortinneqarput.

- Kalaallit Nunaanni arnat pikkorissut anguniagartuut qinigassanngortittut amerlanerunngimmata uggornarpoq. Kalaallit Nunaanni arnat angutillu amerlaqatigiipput, tamannalu naalakkersuinermik sulinermi, aqutsisutut atorfinni, siulersuisuni ilaasortani assigisaannilu takuneqarsinnaasariaqarpoq. Arnat arlalitsigut angutinit allaanerusunik tunniussaqarsinnaallutillu isiginnittaaseqarsinnaapput, Uiloq Slettemark, Arnanummi isummersortut ilaat oqarpoq.

Nini Almgren-Jensenip kaammattuutigivaa arnat panimminnut  maligassiuinerulertariaqartut:

- Arnat aqutsisut panitta qummut isigisinnaasaat amigaatigaavut. Takutittariaqarpavut niviarsiaqqat nukappiaqqallu inersimasunngoraaramik assigiimmik piginnaasaqartut. Aamma soqutiginarsinnaavoq partiit equngasumik inissisimaneq ilinniutigisuuppassuk arnanut inuusuttunut sammititanik paasititsiniaalllutik naalakkersuinermillu suliaqalernissaannik kajumissaarlugit.

- Arnat angutillu politikkimi assigiimmik pisinnaatitaaffeqartillugit, arnat ikinnerunerat isorivallaarsinnaanngilara. Politikkimik isiginninneq, sulerusussuseq piffissaliisinnaanerlu, piginnaasarissuseq suiaassutsit nikinganerinit pingaarnerusoraakka, Ivalu Kanuthsen taama akissuteqarpoq.

Arnanut saqqummersoq tamaat ugguuna pisiaralugu atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER