Arnanut 2017-imi Arnatsialammik toqqaavoq
Ukioq kingulleq aasaanerani Uummannap eqqaani ajunaarnersuaqarmat, arnaqarpoq inuunermi nuannaarnerup eqqaamanissaata pisariaqarneraniktakunnissinnaasumik. Taanna Arnanumiit Arnatsialattut nersornaaserneqarpoq.
Pissutsit ajornerpaangaangata uagut inuttut ikiuussinnaassuseqartarpugut. Uummannap eqqaa ajornaarnersuaqarneranik 2017-ip aasagaa eqqorneqarpoq, qaqqap
sisoorneratigut tassaarsuaqarmat nunaqarfiit arlaqartut aqqusaarneqarlutik. Inuppassuit tassaarsuarmik eqqugaasunik ikiuigasuarput, katersillutik inissaqartitsillutillu. Pissutsit ajornerpaagaangata uagut inuttut ikiuussinnaassuseqartarpugut.
Ane Marie Møller Andersen suliniut ‘Qiillassaqatigiitta’ Uummannami aallartippaa, Uummannallu nunaqarfiinit Illorsuarmiit Nuugaatsiamiillu qimagutitsinneqarsimasut aasaanerani nuannatsinneqarnerinik ilaatigut aaqqissuussisoqarluni.
Ane Marie Møller Andersen Uummannarmiuiuvoq Nunatsinnilu sumiiffimmi allami najugaqarnissani takorloorsinnaanagu.
Taamaattumik Akileraartarnermut aqutsisoqarfimmi ukiorpassuarni sulereerluni atorfimminit soraarpoq 2009-mi kommuninik aaqqissuusseqqittoqarmat atorfini nuunneqarmat Ilulissanut nuunnissamut taarsiullugu.
Ullumikkut Uummannami naatsorsuuserinermut suliffeqarfimmik iluatsilluartumik ingerlatsivoq saniatigut atisaarniarfik Tamalaat pigalugu. Suliffeqarfiutimini sulinermik sungiusartoqartuartarpoq, pingaarteqaami inuusuttut ilinniarnissaminnut periarfissaasa
qulakkeernissaat.
Ane Marie Møller Andersen pingasunik meeraqarpoq anaanatullu kisimiittutut perorsarlugit. Meeraasa akulliup ernerata Kaaleeqqap
Arnatsialak 2017-imik nersornaaserneqarnissaanut innersuussimavaa.
Gigternermik nappaateqarluni inunngorsimavoq, taamaalilluni meeraalluni immikkut isumagineqarlunilu paarineqartariaqarluni.
Meeraallunga ukiumut marloriarlunga Københavnimut
nakorsartikkiartortussaasarpunga, anaanagalu peqataajuaannarpoq
qulakkeerniarlugu pitsaanerpaamik isumagineqarlungalu paarineqarniassagama.
Taamaattumik anaanannut attaveqarnera immaqa immikkut ittuuvoq, oqarpoq.
Anaanani inuttut asannilluartutut eqqissisimasutullu oqaatigaa inoqatiminik ikiuunnissaminut piareersimajuaannartoq.
Aqqanilissaanik ARNANUT Arnatsialammik toqqaavoq. Ane Marie innersuunneqartunit katillugit arfineq pingasunit toqqarneqarpoq.