Innuttaasut amerlassusiat
Arnanik amigaateqarneq
Kisitsisit nutaat takutippaat Kalaallit Nunaannit aallararneq taamaaginnartoq, arnallu angutinik suli toqqagassaaleqinngeqisut. Arnat nunaqarfinni amigaataanersaapput
Angutit tusintit arlallit arnamik aappassaqanngillat. Nunaqarfiillu ineruikkiartdornerat unikaallannani taamaaginnarpoq. Nuullu alliartuinnavippoq.
Tamanna innuttaasut amerlassusaannik Kalaallit Nunaanni Naatsorsueqqissaartarfiup kisitsisinik saqqummmiussaani kingullerni dtakuneqarsinnaavoq.
Taamaatut ingerlasoqarnera inuit qinigaasa siunissamut pilersaarusiornermi attaveqarnermullu milliardilinnik aningaasaliissuteqarnissamut nunap immikkoortuini politikkikkut oqallinnissani,oqaluuserisariaqarpaat.
Allanut nunasisut
Kisitsisinilli nutaarluinnarnit pingaarnerit tigoqqaariartigik:
Ataatsimut isigalugu nunatta inui ikiliartorput. Ukioq manna juulip aallaqqaataani Kalaallit Nunaat 56.114-inik inoqarpoq. 2014-imi juulimit 181-inik ikinnerupput, 2011-milu juulimit 776-inik ikinnerullutik.
Nunallu iluani noorartoqartorujussuuvoq. Nunaqarfimmiut illoqarfinnut noorarnerat taama sukkatigisumik ingerlaannarpoq. Ukiuni kingullerni tallimaannarni nunaqarfimmiut 735-inik ikileriarsimapput - 2011-mi 8.283-iniit 2015-imi 7.538-nut.
Ineriartorneq immaqa taama sualutsiginngikkaluarpoq, nunarfiilli inuerukkiartornerat taamatut sukkatsikkiartuinnassappat ukiut 20-t qaangiuppata nunaqarfiit 60-it missaanniittut inuisa 4.000-t inulissavaat. Ilaat pinngitsoorani matuneqartariaqassapput.
Arnanik amigaateqarneq
Inuiaqatigiilli agguataarneranni nunaqarfinnit noorarnerit unammilligassat annersarinngilaat, tassaanerullunili arnanik amigaateqarneq.
Ukiuni kingullerni arnat, angutit amerlassusaannut sanilliullugit amerleriarnerulaarsimagaluarput, angutilli suli arnanit amerlanerujussuupput.
Nunatsinni arnat angutinit sooq taama amerlatiginerunersut AG-mi kingullermik saqqummersumi atuaruk, taannalu aamma uani atuarsinnaavat: