hele landet

Arfininngornermi arpannissarsuarmut piareerput

Sinerissami Brugseneqarfinni arfineq-marlunni Brugsenip ukiumoortumik arpatsitsinera arfininngornermi pissaaq

Brugsenip siorna arpatsitsineranut peqataasut 700-t missaanniipput. Ukioq manna arpatsitsineq sinerissami Brugseneqarfinni arfineq-marlunni tamani arfininngornermi nal. 13.00 pissaaq.

Najukkami Brugseninut arfineq-marlunnut siulersuisut Kalaallit Nunaanni Brugsenip ataaniittut kikkulluunniit peqataaffigisinnaasaannik ukiumoortumik arpatsitsisarnerat ileqquulersimavoq.

Arpatsitsineq aqagu arfininngornermi nal. 13.00 pissaaq.

Isorartussutsit arpaffigineqartussat marluupput: 3,5 kilometerit assigiinngiiaartunut 10 kilometerillu sungiusarsimanerusunut.

Eqqugassanik assigiinngitsunik makitsisoqassaaq. Nalunaarnermi immersugassaq ilaatigut brugsen.gl aqqutigalugu aaneqarsinnaasoq aqagu arfininngornermi kingusinnerpaamik nal. 12.00, tassa arpannissaq nalunaaquttap-akunneranik ataatsimik sioqqullugu, najukkanni Brugsenimi kioskimut tunniunneqassaaq.

Siorna Nuummi arpatsitsisoqarmat tattorliuunnersuaqarpoq. Taamaattumik najukkami siulersuisut aalajangerput arpanneq Brugsenip saavaniit pisuinnaat aqquserngata tungaanut sammivilimmik aallartinneqassasoq. Ingerlaarfissaq najukkami siulersuisunit allanngortiallanneqarpoq isumannaallisaaneq eqqarsaatigalugu.

Arpatsitsineq siorna nuna tamakkerlugu 700-t missaannit peqataaffigineqarpoq.

Powered by Labrador CMS