Arctic Circle Race
Arfininngormat immikkoortumit assit
Arctic Circle Race-p, Sisimiuni ingerlanneqartup, immikkoortuata aappaata ingerlanneqarnerani silagissorujussuuvoq
Sermitsiaq.AG-p allaaserisami ´Niviaq Martin-ilu immikkoortup aappaani ajugaaqqipput´, ukioq manna Arctic Circle Racemi Sisimiuni ingerlanneqartumi, immikkoortup aappaani arfininngormat ingerlanneqartmi kalaallit ajugaaqqipput, tassa angutini Martin Møller, arnanilu Niviaq Chemnitz Berthelsen siulliullutik apuummata.
Taamaasilluni kalaallit taakkua marluk sisoraatinik oqilaniunnermi tamaviaarnartumi immikkoortup aappaani ilimagisat naammassivaat. Sisoraatinik oqilaniuttartut ullut pingasut ingerlaneranni katillugit 160 kilometerinut oqilaniutissapput.
Taamaattumik oqartariaqarpoq Niviaq Chemnitz Berthelsen Martin Møllerilu Arctic Circle Race 2014-imi, ullumi sapaammi immikkoortut pingajuannik 55,9 kilometerinik isorartussusilimmik naggaserneqartussami, ajugaasussatut suli ilimagisariaqartut. Sisimiuni kulturip illorsuata Taserallip saavanut apuuttoqassaaq, unamminerlu aamma tassanngaanniit tallimanngormat nalunaaqutaq 10.00 aallartinneqarpoq.
Arfininngormat immikkoortumit assit ataani takukkit