Varm kartoffel

Arfernut tunngasoq ministeriunerup Villymut tunniuppaa

Ministeriuneq Helle Thorning-Schmidt isumaqarpoq IWC kalaallillu arfattassaanik apeqqutit nunanut allanut ministerip suliassarigai

Helle Thorning-Schmidtip akiumanngilaa IWC-mi pissutsit qanoq aaqqinneqassanersut.

Enhedslinsten-imeersup Finn Sørensenip juulimi siusinnerusukkut ministeriunermut Helle Thorningimut itisileqqullugu apeqqutigimmagu kalaallit-qallunaat IWC-mi inissisimanerat Kalaallillu Nunaata nammineq imminut arfattassinera, taanna aperisussaasimanngilaa.
Apeqqut, Helle Thorningip akiumanngisaa, isumaqarfigisaali nunanut allanut ministerip Villy Søvndalip, SF, akisassarigaa, imaappoq:
– Ministeriuneq qinnuigaara Naalakkersuisut tunngavilersuutaat oqaaseqarfigeqqullugit, tamatumani ilanngullugu uppersarlugu ilumuunnginnerarluguluunniit Nunanut allanut Ministereqarfiup Naalakkersuisut tatiniarsimanerai IWC-p ilisimatuussutsikkut komitéata periarfissiineranit arfattassanik ikinnerusunik siunnersuuteqaqqullugit, Finn Sørensen ministeriunermut apeqqummini allappoq.
Taassuma Finn Sørensen akivaa apeqqut nunanut allanut ministerimut apeqqutigissagaa, tassa taassuma IWC-mut tunngasut, tamatumani ilanngullugu isumaqatigiissutip qanoq paasineqarnissaa, akisussaaffigimmagit.
Aamma atuaruk: IWC pillugu isumaqatigiinnginneq
– Oqaatigineqassaaq apeqqummi pineqartoq, tassa Kalaallit Nunaata arfattassai naalagaaffiullu IWC-mut ilaasortaanera, naalakkersuisut sinnerlugit nunanut allanut ministerip suliassarimmagu.

Powered by Labrador CMS