Piniarneq
Arfernik angisuunik arfattassat inissinneqarput
Aappaagu arfanniarnissaq maanna inissinneqarpoq
Aalisarnermut piniarnermut naalakkersuisoqarfiup arfernut angisuunut aappaagu arfattassat aalajangiuteqqammerpai.
Arfattassat Arfanniarnermut Ataatsimiititaliarsuup (IWC), pisassiissutit angissusissaannik aalajangiisartuusup, siunnersuuteqarnera tunngavigalugu aalajangerneqartarput. Ukiunut sisamanut pisassiissutit 2015-2018-imut atuupput.
Atuaruk: Namminersorlutik Oqartussat: Aarfattassat pillugit isumaqatigiikkiartortoqarpoq
Tikaagullittassat amerlanerpaapput, tassa tikaagulliit 176-it. Kitaani pisassat 164-it Tunumilu 12-it.
Tikaagulliusaat 19-it Kitaani pisarineqarsinnaapput, qipoqqaallu qulit pisarineqarsinnaassapput.
Atuaruk: Saqitsaattoqareersoq: Nunatta arfartassiissutinut qinnuteqaatai IWC-p akuersissutigai
Arfiviit qaqutiguulaartut marluk pisarineqarsinnaapput, taakku angallatit pingaartumik Qeqertarsuup Tunuaneersut piniarsinnaavaat.
Pisassiissutit nikisinneqarsinnaassapput, ukioq manna pisat decembarip 31-anni aatsaat kisinneqartussaammata.